ಅಕ್ಟೋಬರ್ 14 ರಂದು ಗೋವಾಕ್ಕೆ ಅಮಿತ್  ಶಾ

ಪಣಜಿ: ಕೇಂದ್ರ ಗೃಹಮಂತ್ರಿ ಅಮಿತ್ ಶಾರವರು ಅಕ್ಟೋಬರ್ 14 ರಂದು ಗೋವಾಕ್ಕೆ ಆಗಮಿಸಲಿದ್ದು ವೆರ್ಣಾ ಇಂಡಸ್ಟ್ರಿಯಲ್ಲಿ ಫಾರೆನ್ಸಿಕ್ ಲ್ಯಾಬ್ ಉದ್ಘಾಟನೆ ನೆರವೇರಿಸಲಿದ್ದು, ನಂತರ ಪಕ್ಷ ಸಂಘಟನೆಯ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಬಿಜೆಪಿ ಮಾಹಿತಿ ನೀಡಿದೆ.

ಅಮಿತ್ ಶಾ ರವರು ಅಂದು ಬಿಜೆಪಿ ಕೋರ್ ಕಮೀಟಿ, ಶಾಸಕರು, ಸಚಿವರೊಂದಿಗೆ ಚುನಾವಣಾ ಸಂಬಂಧಿತ ಚರ್ಚೆ ನಡೆಸಲಿದ್ದಾರೆ.

ಪಕ್ಷದ ಕೆಲ ಅತೃಪ್ತರೊಂದಿಗೆ ಕೂಡ ಚರ್ಚೆ ನಡೆಸಿ ಸಲಹೆ ನೀಡಲಿದ್ದಾರೆ. ರಾಜ್ಯ ವಿಧಾನಸಭಾ ಚುನಾವಣೆಯಲ್ಲಿ ರಾಜ್ಯದಲ್ಲಿ ಬಿಜೆಪಿ ಹೆಚ್ಚಿನ ಸ್ಥಾನ ಗಳಿಸಲು ಕಿವಿಮಾತು ಹೇಳಲಿದ್ದಾರೆ ಎನ್ನಲಾಗಿದೆ.