ಮೋದಿ 2.0 ದಲ್ಲಿ ಅಮಿತ್‌ ಶಾ ಹಣಕಾಸು ಸಚಿವ?; ವರದಿ

ಹೊಸದಿಲ್ಲಿ:ಪ್ರಧಾನಿ ನರೇಂದ್ರ ಮೋದಿ ಅವರ 2 ನೇ ಬಾರಿಯ ಸರ್ಕಾರದಲ್ಲಿ ಬಿಜೆಪಿ ರಾಷ್ಟ್ರಾಧ್ಯಕ್ಷ ಚಾಣಕ್ಯ ಖ್ಯಾತಿಯ ಅಮಿತ್‌ ಶಾ ಅವರಿಗೆ ಹಣಕಾಸು ಖಾತೆ ನೀಡುವ ಸಾಧ್ಯತೆಗಳಿವೆ.

ಅಮಿತ್‌ ಶಾ ಅವರು ಬುಧವಾರ ರಾಜ್ಯಸಭಾ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದು, ಗುರುವಾರ ಸಂಜೆ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಸುಮಾರು 65 ಮಂದಿ ಸಂಸದರು ಮೋದಿ ಅವರೊಂದಿಗೆ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ ಎಂದು ವರದಿಯಾಗಿದೆ.

ಗುಜರಾತ್‌ನ ಗಾಂಧಿ ನಗರ ಕ್ಷೇತ್ರದಿಂದ ಶಾ ಅವರು 5 ಲಕ್ಷದ 57 ಸಾವಿರ ಮತಗಳ ಅಂತರಿಂದ ಅಭೂತಪೂರ್ವ ಗೆಲುವು ಸಾಧಿಸಿದ್ದರು.

ಮೋದಿ ಅವರೊಂದಿಗೆ ಅರುಣ್‌ ಜೇಟ್‌ಲಿ ಅವರು ಹಣಕಾಸು ಸಚಿವರಾಗಿ ಕೆಲಸ ನಿರ್ವಹಿಸಿದ್ದರು. ಈ ಬಾರಿ ಅನಾರೋಗ್ಯದ ಕಾರಣ ನನಗೆ ಸಚಿವಸ್ಥಾನ ಬೇಡ ಎಂದು ಅವರು ಮೋದಿ ಅವರಿಗೆ ಪತ್ರ ಬರೆದಿದ್ದಾರೆ.

ಮೋದಿ ಮತ್ತು ಶಾ ಅವರು ಸುಮಾರು 5 ಗಂಟೆಗಳ ಕಾಲ ಚರ್ಚಿಸಿ ಸಚಿವರುಗಳ ಪಟ್ಟಿಯನ್ನು ಸಿದ್ದಪಡಿಸಿದ್ದು, ಹಾಲಿ ಸಚಿವರೊಂದಿಗೆ ಕೆಲವು ಹೊಸಬರಿಗೂ ಅವಕಾಶ ನೀಡಲಾಗುವ ಬಗ್ಗೆ ಹೇಳಲಾಗಿದೆ.

ಯುವಸಂಸದರಿಗೆ ಆಧ್ಯತೆಯೊಂದಿಗೆ ಪ್ರಾಂತ್ಯವಾರು,ಜಾತಿವಾರು ಆಧ್ಯತೆಯನ್ನೂ ಸಚಿವ ಸ್ಥಾನಕ್ಕೆ ಪರಿಣಿಸುವ ಸಾಧ್ಯತೆಗಳಿವೆ.

ಪ್ರಮುಖ ಖಾತೆಗಳನ್ನು ನಿರ್ವಹಿಸುತ್ತಿರುವ ರಾಜ್‌ನಾಥ್‌ ಸಿಂಗ್‌ (ಗೃಹ )ಸುಷ್ಮಾ ಸ್ವರಾಜ್‌ (ವಿದೇಶಾಂಗ ಇಲಾಖೆ)ನಿತಿನ್‌ ಗಡ್ಕರಿ(ಹೆದ್ದಾರಿ )ಖಾತೆಗಳಲ್ಲಿ ಬದಲಾವಣೆ ಮಾಡುವ ಸಾಧ್ಯತೆಗಳಿಲ್ಲ ಎನ್ನಲಾಗಿದೆ.