ವಿಶ್ವ ಪ್ಯಾರಾ ಅಥ್ಲೆಟಿಕ್ಸ್‌: ಭಾರತದ ಅಮಿತ್‌ಗೆ ಬೆಳ್ಳಿ

ಲಂಡನ್‌: ಭಾರತದ ಅಮಿತ್‌ ಕುಮಾರ್‌ ಸರೋಹಾ ವಿಶ್ವ ಪ್ಯಾರಾ ಅಥ್ಲೆಟಿಕ್ಸ್‌ ಚಾಂಪಿಯನ್‌ ಶಿಪ್‌ನಲ್ಲಿ ನಡೆದ ಎಫ್51 ಕ್ಲಬ್‌ ಥ್ರೋನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾರೆ. ಹರ್ಯಾಣದ ಅಥ್ಲೀಟ್‌ ಆಗಿರುವ ಅಮಿತ್‌ ಮೊದಲ ಎರಡು ಎಸೆತದಲ್ಲಿ ಹೆಚ್ಚಿನ ದೂರ ಎಸೆಯಲು ವಿಫ‌ಲರಾಗಿದ್ದರು. ಹೀಗಾಗಿ ಭಾರತಕ್ಕೆ ಪದಕದ ಖಚಿತತೆ ಇರಲಿಲ್ಲ. ಆದರೆ ಅಮಿತ್‌ ಮೂರನೇ ಯತ್ನದಲ್ಲಿ 30.25 ಮೀ. ಎಸೆಯುವ ಮೂಲಕ 2ನೇ ಸ್ಥಾನ ಪಡೆದು ಬೆಳ್ಳಿ ಪದಕ ಪಡೆದರು. ಈ ಮೂಲಕ ಏಷ್ಯಾದಲ್ಲಿಯೇ ಅತಿ ಹೆಚ್ಚು ದೂರ ಎಸೆದ ಆಟಗಾರ ಎಂಬ
ದಾಖಲೆ ನಿರ್ಮಿಸಿದರು.

ಇದೇ ವಿಭಾಗದಲ್ಲಿ ಸರ್ಬಿಯಾದ ಜೆಜಿಕೊ ಡಿಮಿಟ್ರಿಜೆವಿಚ್‌ 31.99 ಮೀ. ಎಸೆದು ವಿಶ್ವ ದಾಖಲೆ ನಿರ್ಮಿಸಿ ಚಿನ್ನದ ಪದಕ ಗೆದ್ದಿದ್ದಾರೆ.
ಭಾರತದ ಮತ್ತೂಬ್ಬ ಸ್ಪರ್ಧಿ ಧರ್ಮಬೀರ್‌ 22.34 ಮೀ. ಎಸೆಯುವ ಮೂಲಕ 10ನೇ ಸ್ಥಾನಕ್ಕೆ ತೃಪ್ತರಾಗಿದ್ದಾರೆ.

ಇದಕ್ಕೂ ಮುನ್ನ ಅಮಿತ್‌ 2015ರಲ್ಲಿ ದೋಹಾದಲ್ಲಿ ನಡೆದ ವಿಶ್ವ ಪ್ಯಾರಾ ಅಥ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲೂ ಬೆಳ್ಳಿ ಪದಕ ಗೆದ್ದಿದ್ದರು.
2014ರಲ್ಲಿ ನಡೆದ ಏಷ್ಯನ್‌ ಪ್ಯಾರಾ ಗೇಮ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. 2012ರಲ್ಲಿ ನಡೆದ ಪ್ಯಾರಾ ಒಲಿಂಪಿಕ್ಸ್‌ನಲ್ಲಿ ಸ್ಪರ್ಧಿಸಿದ್ದು, ಫೈನಲ್‌ ತಲುಪಲು ಯಶಸ್ವಿಯಾಗಿದ್ದರು. ಇದಕ್ಕೂ ಮುನ್ನ ಭಾರತದ ಸುಂದರ್‌ ಸಿಂಗ್‌ ಗುರ್ಜರ್‌ ಎಫ್46 ಜಾವೆಲಿನ್‌ ಥ್ರೋದಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಹೀಗಾಗಿ ಇದು ಭಾರತಕ್ಕೆ 2ನೇ ಪದಕವಾಗಿದೆ. ಕೂಟ ಜುಲೈ 14ಕ್ಕೆ ಆರಂಭವಾಗಲಿದ್ದು,
ಜು.23ರಂದು ಕೊನೆಗೊಳ್ಳಲಿದೆ.