ರೋಹಿತ್‌ ಶರ್ಮ ಬಗ್ಗೆ  ಆಮಿರ್‌ ವ್ಯಂಗ್ಯ ?

ಕರಾಚಿ: ಭಾರತ ಕ್ರಿಕೆಟ್‌ ತಂಡದ ರೋಹಿತ್‌ ಶರ್ಮ ಒಬ್ಬ ಅದ್ಭುತ ಬ್ಯಾಟ್ಸ್‌ಮನ್‌ ಎಂದು ಪಾಕ್‌ ತಂಡದ ವೇಗಿ ಮೊಹಮ್ಮದ್‌ ಆಮಿರ್‌ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಆದರೆ ಒಂದು ವರ್ಷದ ಹಿಂದೆ ರೋಹಿತ್‌ ಶರ್ಮ ವೇಗಿ ಅಮೀರ್‌ ಅವರನ್ನು ಒಬ್ಬ ಸಾಮಾನ್ಯ ಬೌಲರ್‌ ಎಂದು ಹೇಳಿದ್ದರು. ಈ ಸೇಡಿಗಾಗಿ ಆಮಿರ್‌ ವ್ಯಂಗ್ಯವಾಗಿ ಉತ್ತರ ನೀಡಿರಬಹುಹುದೇ ಎಂದು ಅಂದಾಜಿಸಲಾಗಿದೆ. 

“ರೋಹಿತ್‌ ಶರ್ಮ ಭಾರತ ತಂಡದ ಪರ ಅನೇಕ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಹೀಗಾಗಿ ನಾನು ಅವರನ್ನು ಒಬ್ಬ ಸಾಮಾನ್ಯ ಬ್ಯಾಟ್ಸ್‌ಮನ್‌ ಎಂದು ಹೇಳಲಾರೆ’ ಎಂದಿದ್ದಾರೆ. 

ಆಮಿರ್‌ ಸ್ಪಾಟ್‌ ಫಿಕ್ಸಿಂಗ್‌ ಹಗರಣದಿಂದ 5 ವರ್ಷ ನಿಷೇಧಕ್ಕೆ ತುತ್ತಾಗಿದ್ದರು. ನಿಷೇಧದ ಅವಧಿ ಪೂರ್ಣಗೊಂಡ ಅನಂತರ ಪಾಕ್‌ ತಂಡಕ್ಕೆ ಮರಳಿದ್ದಾರೆ. ಇತ್ತೀಚೆಗೆ ಲಂಡನ್‌ನಲ್ಲಿ ನಡೆದ ಚಾಂಪಿಯನ್ಸ್‌ ಟ್ರೋಫಿಯ ಫೈನಲ್‌ ಪಂದ್ಯದಲ್ಲಿ ಭಾರತದ ವಿರುದ್ಧ ಅದ್ಭುತ ಬೌಲಿಂಗ್‌ ದಾಳಿ ನಡೆಸಿ ಪಾಕ್‌ ಗೆಲುವಿಗೆ ನೆರವಾಗಿದ್ದರು.