ಕೋವಿಡ್‌ ಸಾವಿನಲ್ಲಿ ಮೊದಲ ಸ್ಥಾನ ಬಿಟ್ಟುಕೊಡದ ಅಮೆರಿಕ

ವಾಷಿಂಗ್ಟನ್‌: ವಿಶ್ವಾದ್ಯಂತ ಕೊರೊನಾ ಸೋಂಕಿತರ ಸಂಖ್ಯೆ 27 ಕೋಟಿ ದಾಟಿದ್ದು, ಅದರಿಂದಾದ ಸಾವಿನ ಸಂಖ್ಯೆ 53 ಲಕ್ಷ ದಾಟಿದೆ. ಅದರಲ್ಲಿ ಮೊದಲಿನಿಂದಲೂ ಅಮೆರಿಕವೇ ಮೊದಲ ಸ್ಥಾನ ಕಾಯ್ದಿರಿಸಿಕೊಂಡಿದೆ.

ವಿಶ್ವಾದ್ಯಂತ ಒಟ್ಟಾರೆ ಮೃತರಲ್ಲಿ ಶೇ. 15 ಮಂದಿ ಅಮೆರಿಕದವರು. ಅದರಲ್ಲಿ ಶೇ. 75 ಮಂದಿ 65 ವರ್ಷ ಮೇಲ್ಪಟ್ಟವರಾಗಿದ್ದಾರೆ. ಅಲ್ಲಿರುವ 65 ವರ್ಷ ಮೇಲ್ಪಟ್ಟವರಲ್ಲಿ 100 ಮಂದಿಯನ್ನು ತೆಗೆದುಕೊಂಡರೆ ಅದರಲ್ಲಿ ಕನಿಷ್ಠ ಒಬ್ಬರಾದರೂ ಕೊರೊನಾಕ್ಕೆ ಬಲಿಯಾಗಿದ್ದಾರೆ.

ಅಕ್ಟೋಬರ್‌ನಿಂದ ಏರಿಕೆ:
ಅಕ್ಟೋಬರ್‌ನಿಂದೀಚೆಗೆ ಅಮೆರಿಕದಲ್ಲಿ 1 ಲಕ್ಷಕ್ಕೂ ಅಧಿಕ ಸೋಂಕಿತರ ಸಾವು ಸಂಭವಿಸಿದೆ. ಪ್ರತಿನಿತ್ಯ ಕನಿಷ್ಠ 1000 ಮಂದಿ ಸಾವನ್ನಪ್ಪುತ್ತಿದ್ದಾರೆ.

ಒಮಿಕ್ರಾನ್‌ ಹೆಚ್ಚಳ:
ಡಿ.11ರಂದು ಅಂತ್ಯವಾದ ವಾರದಲ್ಲಿ ಅಮೆರಿಕದಲ್ಲಿ ಪತ್ತೆಯಾದ ಕೊರೊನಾ ಸೋಂಕಿತರಲ್ಲಿ ಶೇ.2.4 ಮಂದಿ ಒಮಿಕ್ರಾನ್‌ಗೂ ತುತ್ತಾಗಿದ್ದಾರೆ. ಈ ಪ್ರಮಾ ಣ ಅದರ ಹಿಂದಿನ ವಾರದಲ್ಲಿ ಶೇ. 0.4ರಷ್ಟಿತ್ತು.

ವಿಶ್ವಾದ್ಯಂತ ಕೊರೊನಾಕ್ಕೆ ಬಲಿಯಾದವರ ಸಂಖ್ಯೆ – 53 ಲಕ್ಷ
ಅಮೆರಿಕದಲ್ಲಿ ಸೋಂಕಿನಿಂದ ಸಾವಿಗೀ ಡಾ ದವರು – 8 ಲಕ್ಷ
ಅಮೆರಿಕದಲ್ಲಿ ಸಾವನ್ನಪ್ಪಿದವರಲ್ಲಿ 65 ವರ್ಷ ಮೇಲ್ಪಟ್ಟವರು – ಶೇ. 75

ಅತಿ ಹೆಚ್ಚು ಸಾವು ಕಂಡ ರಾಷ್ಟ್ರಗಳು:
ಅಮೆರಿಕ- 8.2 ಲಕ್ಷ
ಬ್ರೆಜಿಲ್‌- 6.1 ಲಕ್ಷ
ಭಾರತ- 4.7 ಲಕ್ಷ