ದೀಪಾವಳಿಗೆ ಅಕ್ಷಯ್‌ ನಟನೆಯ “ರಾಮ್‌ ಸೇತು’

ಈ ದೀಪಾವಳಿಗೆ ಬಾಲಿವುಡ್‌ ನಟ ಅಕ್ಷಯ್‌ ಕುಮಾರ್‌ರಿಂದ ಅಭಿಮಾನಿಗಳಿಂದ ಉಡುಗೊರೆಯೊಂದು ಸಿಗಲಿದೆ. ಅಕ್ಷಯ್‌ ನಟಿಸಿರುವ “ರಾಮ್‌ ಸೇತು’ ಸಿನಿಮಾ ದೀಪಾವಳಿ ದಿನವೇ ಬಿಡುಗಡೆಯಾಗಲಿದೆ.

ಈ ಬಗ್ಗೆ ನಟ ಟ್ವಿಟರ್‌ನಲ್ಲಿ ಮಾಹಿತಿ ಕೊಟ್ಟಿದ್ದು, ಸಿನಿಮಾ ಸೆಟ್‌ನ ವಿಡಿಯೋವೊಂದನ್ನೂ ಹಂಚಿಕೊಂಡಿದ್ದಾರೆ. ಸಿನಿಮಾಕ್ಕೆ ನಿರ್ದೇಶಕ ಅಭಿಷೇಕ್‌ ಶರ್ಮಾ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.

2021ರ ಮಾರ್ಚ್‌ನಿಂದಲೇ ಸಿನಿಮಾ ಚಿತ್ರೀಕರಣ ಆರಂಭಿಸಲಾಗಿತ್ತಾದರೂ ಅಕ್ಷಯ್‌ ಸೇರಿ ಚಿತ್ರತಂಡದ 45 ಜನರಿಗೆ ಕೊರೊನಾ ಸೋಂಕು ದೃಢವಾದ ಹಿನ್ನೆಲೆಯಲ್ಲಿ ಕೆಲ ದಿನಗಳ ಕಾಲ ಚಿತ್ರೀಕರಣ ನಿಲ್ಲಿಸಲಾಗಿತ್ತು.