ಕೆಚ್ಚೇನಹಳ್ಳಿ ಗ್ರಾಪಂಗೆ ಅಜ್ಜಯ್ಯ ಅಧ್ಯಕ್ಷ

ಜಗಳೂರು: ತಾಲೂಕಿನ ಕೆಚ್ಚೇನಹಳ್ಳಿ ಗ್ರಾಮ ಪಂಚಾಯತ್‌ ನೂತನ ಅಧ್ಯಕ್ಷರಾಗಿ ಅಜ್ಜಯ್ಯ ಆಯ್ಕೆಯಾಗಿದ್ದಾರೆ. ಗ್ರಾಪಂ ಸಭಾಂಗಣದಲ್ಲಿ ಗುರುವಾರ ನಡೆದ ಚುನಾವಣೆಯಲ್ಲಿ ಪ್ರತಿಸ್ಪ ರ್ಧಿ ಗಾದ್ರೆಪ್ಪ ಅವರಿಗಿಂತ 5 ಮತಗಳ ಅಂತರದಿಂದ ಗೆಲವು ಸಾಧಿಸಿದ್ದಾರೆ.

ಬೆಳಗ್ಗೆ 10 ಗಂಟೆಯಿಂದ ಆರಂಭವಾದ ಚುನಾವಣೆ ಪ್ರಕ್ರಿಯೆಯಲ್ಲಿ ಅಜ್ಜಯ್ಯ, ಗಾದ್ರೆಪ್ಪ, ವೀರೇಶ್‌ ಎಂಬುವರು ಅಧ್ಯಕ್ಷ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಿದ್ದರು. ನಾಮಪತ್ರಗಳು ಕೂಡಾ ಕ್ರಮವಾಗಿದ್ದವು. ಅಂತೆಯೇ ನಾಮಪತ್ರ ವಾಪಾಸ್ಸು ನಿಗದಿತ ಸಮಯದಲ್ಲಿ ವೀರೇಶ್‌ ಎಂಬುವರು ತಮ್ಮ ಉಮೇದುವಾರಿಕೆಯನ್ನು ಹಿಂಪಡೆದರು. 

ಮಧ್ಯಾಹ್ನ 1 ಗಂಟೆಗೆ ಸರಿಯಾಗಿ ಆರಂಭವಾದ ಚುನಾವಣೆಯಲ್ಲಿ ಅಜ್ಜಯ್ಯಗೆ 13  ಮತಗಳು ಮತ್ತು ಗಾದ್ರೆಪ್ಪ ಅವರಿಗೆ 7 ಮತಗಳನ್ನು ಪಡೆದರು. ಹೀಗಾಗಿ ಹೆಚ್ಚು ಮತಗಳನ್ನು ಪಡೆದ ಅಜ್ಜಯ್ಯ ಅವರನ್ನು ಅಧ್ಯಕ್ಷರೆಂದು ಚುನಾವಣಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದ್ದ ತೋಟಗಾರಿಕೆ ಸಹಾಯಕ ನಿರ್ದೇಶಕ ವೀರಭದ್ರಸ್ವಾಮಿ ಘೋಷಿಸಿದರು. ಈ ಹಿಂದಿನ ಅಧ್ಯಕ್ಷರನ್ನು ವಿಶ್ವಾಸದಿಂದ ಪದಚ್ಯತಿಗೊಳಿಸಲಾಗಿತ್ತು.  

ಇದರಿಂದ ಖಾಲಿಯಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಗುರುವಾರ ಚುನಾವಣೆಯ ನಿಗದಿಯಾಗಿತ್ತು. ಚುನಾವಣೆಯಲ್ಲಿ ಪ್ರಕ್ರಿಯೆಯಲ್ಲಿ ಉಪಾಧ್ಯಕ್ಷರಾದ ಹಂಪಮ್ಮ ಸದಸ್ಯರಾದ ರುದ್ರೇಶ್ವರಪ್ಪ, ನಾಸೀರಾಬಾನು, ದುರ್ಗಮ್ಮ, ನಿಂಗಪ್ಪ, ಅಂಜಿನಪ್ಪ, ಶ್ವೇತಾ, ಗಂಗಮ್ಮ, ದ್ಯಾಮಕ್ಕ, ಸುಧಾಮಣಿ, ಸಾಕಮ್ಮ, ಸಿದ್ದಮ್ಮ, ರವಿ, ತಿಪ್ಪೇಸ್ವಾಮಿ, ಮಂಜುನಾಥ್‌, ರತ್ನಮ್ಮಪ್ರಕಾಶ್‌, ರತ್ನಮ್ಮತಿಪ್ಪೇಸ್ವಾಮಿ, ಪಿಡಿಒ  ವಾಸುದೇವ, ಗ್ರಾಪಂ ಸಿಬ್ಬಂದಿಗಳು ಇದ್ದರು.