ಟೀಸರ್‌ನಲ್ಲಿ ‘ಐರಾ’ ಝಲಕ್‌

ಎರಡು ವರ್ಷಗಳ ಹಿಂದೆ ಸ್ಮಶಾನದಲ್ಲಿ ಮುಹೂರ್ತ ನಡೆಸಿದ್ದ “ಐರಾ’ ಚಿತ್ರ ಮತ್ತೆ ಸುದ್ದಿಯಲ್ಲಿದೆ. ಕೋವಿಡ್‌ ಅಡೆತಡೆಗಳನ್ನು ಮೀರಿ, ಒಂದು ಹಂತದ ಚಿತ್ರೀಕರಣವನ್ನು ಪೂರ್ಣಗೊಳಿಸಿ, ತಾಯಿ ಸೆಂಟಿಮೆಂಟ್‌ನ ಟೀಸರ್‌ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದೆ.

“ಐರಾ ನನ್ನ ಕನಸು. ಈ ಕನಸಲ್ಲಿ ಸಸ್ಪೆನ್ಸ್‌ , ಥ್ರಿಲ್ಲರ್‌, ಹಾರರ್‌ ಎಲ್ಲವೂ ಇದ್ದು, ಟೀಸರ್‌ ಮೂಲಕ ಕೇವಲ ತಾಯಿ ಸೆಂಟಿಮೆಂಟ್‌ ತೋರಿಸಿದ್ದೇವೆ. ಇದು ಕೇವಲ ಸ್ಯಾಂಪಲ್‌’ ಎನ್ನುವುದು ನಿರ್ದೇಶಕ ರಾಜ್‌ ಉದಯ್‌ ಮಾತು.

ಸಂಸ್ಕೃತದಲ್ಲಿ ಐರಾ ಅಂದರೆ ಪ್ರಕೃತಿಯಲ್ಲಿ ಏನೇ ಕ್ರಿಯೆ ಆಗುವ ಮೊದಲು ಪ್ರಕೃತಿ ಒಂದು ಮುನ್ಸೂಚನೆ ನೀಡುವುದರ ಅರ್ಥವೇ ಐರಾ. ಅದೇ ನಮ್ಮ ಚಿತ್ರ ಐರಾ ಎಂದರು.

ನಾಯಕ ಶಿವ ಕುಮಾರ್‌ ಮಾತನಾಡಿ “ಸರ್‌ ಊಟ ಮಾಡೋದಕ್ಕೆ ಕಷ್ಟ ಆಗುತ್ತೇ ಸ್ವಲ್ಪ ಗಡ್ಡ ತೆಗಿತ್ತೀನಿ ಅಂದೆ. ಹಾಗಾದರೆ ನೀನು ಸಿನಿಮಾದಿಂದ ಕಟ್‌’ ಎಂದು ನಿರ್ದೇಶಕರು ಹೇಳಿದ್ದರು.

ಹುಚ್ಚನ ಪಾತ್ರಕ್ಕೆ ಮೂರು ವರ್ಷ ಶ್ರಮಪಟ್ಟಿದ್ದೇನೆ. ಈಗ ಕೇವಲ ಹುಚ್ಚನ ಪಾತ್ರ, ಅಮ್ಮನ ಸೆಂಟಿಮೆಂಟ್‌ ಮಾತ್ರ ಟೀಸರ್‌ನಲ್ಲಿದೆ. ಆದರೆ ಇನ್ನೂ ಎರಡು ವಿಭಿನ್ನ ಗೆಟೆಪ್‌ನಲ್ಲಿ ನಿಮ್ಮ ಮುಂದೆ ಬರುತ್ತೇನೆ’ ಎಂದರು.

ಇದನ್ನೂ ಓದಿ:ಫೆ.11ಕ್ಕೆ ‘ಜೇಮ್ಸ್‌’ ಟೀಸರ್‌ ಬಿಡುಗಡೆ

ಚಿತ್ರದ ಛಾಯಾಗ್ರಾಹಕ ವಿಘ್ನೇಶ್‌ ನಾಗೇಂದ್ರನ್‌ ಮಾತನಾಡಿ “ಚಾಲೇಂಜಿಂಗ್‌ ಸ್ಕ್ರಿಪ್ಟ್ ಇದಾಗಿದ್ದು, ಚಿತ್ರೀಕರಣದ ಸಂದರ್ಭದಲ್ಲಿ ನಾಯಕನಿಗೆ ಸಾಕಷ್ಟು ಕಷ್ಟ ನೀಡಿದ್ದೇನೆ. ನಿರ್ಮಾಪಕರು ಎಲ್ಲವನ್ನೂ ಪೂರೈಸಿ ಒಳ್ಳೆ ಸಿನಿಮಾವಾಗಲು ಸಹಕರಿಸಿದ್ದಾರೆ’ ಎಂದರು.

ಹಿರಿಯ ನಟ ಮೋಹನ್‌, ಧರ್ಮ, ಅಂನತ್‌ ವೇಲು, ಜಾನಪದ ಕಲಾವಿದೆ ಅಕ್ಕಯ್‌ ಪದ್ಮಶಾಲಿ, ಐರಾ ತಂಡಕ್ಕೆ ಸಾಥ್‌ ನೀಡಿದರು. ನಿರ್ಮಾಪಕ ಸುರೇಶ್‌ ಸುಬ್ರಹ್ಮಣ್ಯ, ರಾಜ್‌ ಉದಯ್‌ ನಿರ್ದೇಶನ, ವಿಘ್ನೇಶ್‌ ನಾಗೇಂದ್ರನ್‌ ಛಾಯಾಗ್ರಹಣ, ಚೇತನ್‌ ಹಾಗೂ ಎಂ ಬಿ ಬಾಬು ಅವರ ಸಾಹಿತ್ಯ, ಕೌಶಿಕ್‌ ಹರ್ಷ ಸಂಗೀತ ನಿರ್ದೇಶನ ಚಿತ್ರಕ್ಕಿದೆ. ನಾಯಕ ಶಿವ ಕುಮಾರ್‌, ಕಾರ್ತಿಕ್‌ ವರ್ಣೇಕರ್‌, ಗಿರೀಶ್‌, ಮೀನಾಕ್ಷಿ ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ.