ಮಾರ್ಚ್‌ 22ರಿಂದ ದಿಲ್ಲಿ –ಟೆಲ್‌ ಅವೀವ್‌ ಏರಿಂಡಿಯಾ ಹಾರಾಟ

ಮುಂಬಯಿ : ಇದೇ ಗುರುವಾರದಿಂದ ಏರಿಂಡಿಯಾ ವಿಮಾನ ಯಾನ ಸಂಸ್ಥೆ ಹೊಸದಿಲ್ಲಿ -ಟೆಲ್‌ ಅವೀವ್‌ ಮಾರ್ಗದಲ್ಲಿ ತನ್ನ 256 ಆಸನಗಳ ಬೋಯಿಂಗ್‌ 787-800 ವಿಮಾನದ ಹಾರಾಟವನ್ನು ಆರಂಭಿಸಲಿದೆ.

ಸೌದಿ ಅರೇಬಿಯವು ಭಾರತಕ್ಕೆ ತನ್ನ ವಾಯು ಪ್ರದೇಶದಲ್ಲಿ ಹಾರಾಟ ನಡೆಸುವುದಕ್ಕೆ ಅನುಮತಿ ನೀಡಿರುವುದಾಗಿ ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಅವರು ಪ್ರಕಟಿಸಿದ್ದರು.

ಆ ಬಳಿಕದಲ್ಲಿ ಏರಿಂಡಿಯಾ ಇದೇ ಮಾರ್ಚ್‌ 22ರಿಂದ ತಾನು ಹೊಸದಿಲ್ಲಿ – ಟೆಲ್‌ ಅವೀವ್‌ ಮಾರ್ಗದಲ್ಲಿ ವಾರಕ್ಕೆ ಮೂರು ಬಾರಿ ವಿಮಾನ ಹಾರಾಟ ನಡೆಸುವುದಾಗಿ ಕಳೆದ ಮಾರ್ಚ್‌ 7ರಂದು ಪ್ರಕಟಿಸಿತ್ತು.