Aikala: ಕಂಬಳದ ಬಳಿ ನಿಲ್ಲಿಸಿದ್ದ ಆಟೋರಿಕ್ಷಾದಿಂದ ನಗದು ಕಳವು

ಕಿನ್ನಿಗೋಳಿ: ಕಿನ್ನಿಗೋಳಿ ಸಮೀಪದ ಐಕಳ ಕಾಂತಾಬಾರೆ ಬೂದಾಬಾರೆ ಕಂಬಳದ ಹೊರವಲಯದಲ್ಲಿ ನಿಲ್ಲಿಸಿದ್ದ ಆಟೋರಿಕ್ಷಾದಲ್ಲಿಟ್ಟಿದ್ದ ನಗದನ್ನು ದುಷ್ಕರ್ಮಿಗಳು ಕಳವು ಮಾಡಿರುವ ಪ್ರಕರಣ ಬೆಳಕಿಗೆ ಬಂದಿದೆ.

ಕಂಬಳ ವೀಕ್ಷಿಸಲು ಬಂದಿದ್ದ ಐಕಳ ನೆಲ್ಲಿಗುಡ್ಡೆ ನಿವಾಸಿ ಆಲ್ವಿನ್‌ ರೊಡ್ರಿಗಸ್‌ ಬಾಡಿಗೆ ಆಟೋರಿಕ್ಷಾ ನಿಲ್ಲಿಸಿ ಕಂಬಳವೀಕ್ಷಣೆಗೆ ತೆರಳಿದ್ದರು. ವಾಪಸ್‌ ಬಂದು ನೋಡಿದಾಗ ರಿಕ್ಷಾದ ಡ್ಯಾಶ್‌ ಬೋರ್ಡ್‌ನಲ್ಲಿ ಇಟ್ಟಿದ್ದ 9 ಸಾವಿರ ರೂ. ನಗದನ್ನು ಕಳವು ಮಾಡಿರುವುದು ಗೊತ್ತಾಗಿದೆ. ಆಟೋದಲ್ಲಿದ್ದ ವಸ್ತುಗಳನ್ನು ಜಾಲಾಡಿದ್ದು ಸ್ಥಳದಲ್ಲಿ ಆಧಾರ್‌ ಕಾರ್ಡ್‌ ದೊರೆತಿದೆ ಎಂದು ಆಲ್ವಿನ್‌ ರೊಡ್ರಿಗಸ್‌ ತಿಳಿಸಿದ್ದಾರೆ.