ನಿಮ್ಮ ಮನಸ್ಸಲ್ಲಿ ಯಾವುದೋ ಹಾಡಿದ್ದು, ಬರೀ ಮ್ಯೂಸಿಕ್‌ ಮಾತ್ರ ನೆನಪಿದ್ದು, ಅದರ ಸಾಹಿತ್ಯ ನೆನಪಾಗದೇ ಒದ್ದಾಡುತ್ತಿದ್ದೀರೇ ? ಎಐ ಸೆಕೆಂಡುಗಳಲ್ಲಿ ಆ ಹಾಡನ್ನು ನಿಮ್ಮ ಮುಂದೆ ಪ್ಲೇ ಮಾಡಲಿದೆ. ಹೌದು ಈಗಾಗಲೇ ತಂತ್ರಜ್ಞಾನ, ಶಿಕ್ಷಣ ಸೇರಿದಂತೆ ಹಲವಾರು ಕ್ಷೇತ್ರಗಳನ್ನು ಆವರಿಸಿರುವ ಕೃತಕ ಬುದ್ಧಿಮತ್ತೆ (ಎಐ)ಈಗ ಮನಷ್ಯನ ಮನಸ್ಸಿಗೇ ಲಗ್ಗೆ ಇಡಲು ಮುಂದಾಗಿದೆ.
ಗೂಗಲ್‌ ಹಾಗೂ ಒಸಾಕಾ ವಿಶ್ವ ವಿದ್ಯಾನಿಲಯದ ತಜ್ಞರು ಸೇರಿ “ಬ್ರೈನ್‌ ಟು ಮ್ಯೂಸಿಕ್‌’ ಎನ್ನುವ ಎಐ ತಂತ್ರಜ್ಞಾನ ಅಭಿವೃದ್ಧಿ ಮಾಡುತ್ತಿದ್ದಾರೆ. ಈಗಾಗಲೇ ಇದರ ಮಾದರಿಯನ್ನೂ ಸಿದ್ಧಪಡಿಸಿದ್ದಾರೆ.
ಇದು ಫ‌ಂಕ್ಷನಲ್‌ ಮ್ಯಾಗ್ನೆಟಿಕ್‌ ರೆಸೋನೆನ್ಸ್‌ ಇಮೇಜಿಂಗ್‌ (ಎಫ್ಎಂಆರ್‌ಐ) ಎನ್ನುವ ದತ್ತಾಂಶವನ್ನು ಬಳಸಿ, ಮನುಷ್ಯನ ಮೆದುಳಿನ ಚಟುವಟಿಕೆಗಳನ್ನು ಗಮನಿಸಿ ಅದನ್ನು ಆಧರಿಸಿಯೇ ನೀವು ಹುಡುಕುತ್ತಿರುವ ಸಂಗೀತವನ್ನು ನಿಮ್ಮ ಮುಂದೆ ಪ್ಲೇ ಮಾಡಲಿದೆ.
