‘ಕರ್ಣ’ನ ಬಳಿಕ ‘ಅರ್ಜುನ’ನ ‘ಏರಾ ಉಲ್ಲೆರ್‌’; ಮುಂದೆ?

ಅರ್ಜುನ್‌ ಕಾಪಿಕಾಡ್‌ ಸದ್ಯ ಕರ್ಣ ಶೂಟಿಂಗ್‌ ಮುಗಿಸಿ, ಈಗ ‘ಏರಾ ಉಲ್ಲೆರ್‌’ ಶೂಟಿಂಗ್‌ನ ಅಂತಿಮ ಹಂತದಲ್ಲಿದ್ದಾರೆ. ‘ಕರ್ಣ’ ಈಗಾಗಲೇ ವಿಭಿನ್ನ ನೆಲೆಯಲ್ಲಿ ಗುರುತಿಸಿಕೊಂಡು ಕೋಸ್ಟಲ್‌ ವುಡ್‌ನ‌ಲ್ಲಿ ಸದ್ದು ಮಾಡಿದೆ. ಮಲ್ಪೆ ಭಾಗದಲ್ಲಿ ಇದರ ಶೂಟಿಂಗ್‌ ಮುಗಿದಿದೆ. ಇದಾದ ಬಳಿಕ ದೇವದಾಸ್‌ ಕಾಪಿಕಾಡ್‌ ಅವರ ‘ಏರಾ ಉಲ್ಲೆರ್‌’ನಲ್ಲಿ ಅರ್ಜುನ್‌ ಹೊಸ ಗೆಟಪ್‌ನಲ್ಲಿ ಕಾಣಿಸಿಕೊಂಡರು. 

ಅಂದಹಾಗೆ, ಇದಾದ ಬಳಿಕ ಅರ್ಜುನ್‌ ಏನು ಮಾಡಲಿದ್ದಾರೆ ಎಂಬುದಕ್ಕೆ ಈಗ ಉತ್ತರ ದೊರೆಯಲಾರಂಭಿಸಿದೆ. ಸದ್ಯ ‘ಪತ್ತೀಸ್‌ ಗ್ಯಾಂಗ್‌’ ಸಿನೆಮಾದ ಗುಂಗಿನಲ್ಲಿರುವ ಸೂರಜ್‌ ಬೋಳಾರ, ಪ್ರೀತಂ ಅವರ ಮುಂದಿನ ಸಿನೆಮಾಕ್ಕೆ ಅರ್ಜುನ್‌ ‘ಹೀರೋ’ ಎಂಬುದು ಪಕ್ಕಾ ಆಗಿದೆ. ಈ ಮೂಲಕ ಸೂರಜ್‌ ತಂಡದ ಎರಡನೇ ಸಿನೆಮಾವೊಂದು ಸೆಟ್ಟೇರಲಿದೆ ಎಂದು ಗೊತ್ತಾಗಿದೆ. ಹೊಸ ಸಿನೆಮಾಕ್ಕೆ ಇನ್ನೂ ಟೈಟಲ್‌ ಫಿಕ್ಸ್‌ ಮಾಡಿಲ್ಲ. ಪತ್ತೀಸ್‌ ಗ್ಯಾಂಗ್‌ ಮುಂದಿನ ತಿಂಗಳು ಸೆನ್ಸಾರ್‌ಗೆ ಹೋಗಲಿದೆ.