ಇನ್ನು ಜೂಲನ್‌ ಗೋಸ್ವಾಮಿ ಸಿನಿಮಾ

ಕೋಲ್ಕತಾ: ಖ್ಯಾತ ಕ್ರಿಕೆಟಿಗರಾದ ಮಹೇಂದ್ರ ಸಿಂಗ್‌ ಧೋನಿ, ಸಚಿನ್‌ ತೆಂಡುಲ್ಕರ್‌ ಜೀವನಚರಿತ್ರೆ ಆಧಾರಿತ ಸಿನಿಮಾ ಬಿಡುಗಡೆಯಾಗಿ ಯಶಸ್ಸು ಕಂಡಿದೆ. ಈ ಬೆನ್ನಲ್ಲೇ ಭಾರತ ಮಹಿಳಾ ತಂಡದ ಹಿರಿಯ ಆಟಗಾರ್ತಿ ಜೂಲನ್‌ ಗೋಸ್ವಾಮಿ ಜೀವನಚರಿತ್ರೆ ಕೂಡ ಸಿನಿಮಾ ಆಗಲಿದೆ.

ಒಬ್ಬ ಮಹಿಳಾ ಕ್ರಿಕೆಟ್‌ ಆಟಗಾರ್ತಿಯ ಚೀವನಚರಿತ್ರೆ ಆಧಾರಿತ ಚಿತ್ರ ಬೆಳ್ಳಿತೆರೆಗೆ ಬರುತ್ತಿರುವುದು ಇದೇ ಮೊದಲು. ಈ ಬಗ್ಗೆ ಪ್ರತಿಕ್ರಿಯಿಸಿದ ನಿರ್ದೇಶಕ ಸುಶಾಂತ್‌ ದಾಸ್‌, “ಶೀಘ್ರದಲ್ಲಿ ಸ್ಕ್ರೀಪ್ಟ್ ವರ್ಕ್‌ ಆರಂಭವಾಗಲಿದೆ. ಬರುವ ಎಪ್ರಿಲ್‌ನಲ್ಲಿ ಶೂಟಿಂಗ್‌ ಆರಂಭಿಸುತ್ತೇವೆ. ಆದರೆ ತಾರೆಯರ ಆಯ್ಕೆ ಇನ್ನೂ ನಡೆದಿಲ್ಲ’ ಎಂದಿದ್ದಾರೆ.