Advertisement

ತಾಲಿಬಾನ್ ಉಗ್ರರ ವಿರುದ್ಧ ಸಡ್ಡು ಹೊಡೆದ ಮಹಿಳಾ ಮಣಿಗಳು   

02:11 PM Sep 13, 2021 | Team Udayavani |

ಕಾಬೂಲ್ : ಮಹಿಳೆಯರ ಮೇಲೆ ಕೆಲವೊಂದು ನಿರ್ಬಂಧ ಹೇರಿರುವ ತಾಲಿಬಾನ್ ಉಗ್ರರ ವಿರುದ್ಧ ಸೋಷಿಯಲ್ ಮೀಡಿಯಾದಲ್ಲಿ ಅಭಿಯಾನ ಶುರುವಾಗಿದೆ.

Advertisement

ತಾಲಿಬಾನ್ ಆಡಳಿತ ಶುರುವಾದ ಅಫ್ಘಾನಿಸ್ತಾನದಲ್ಲಿ ಮಹಿಳೆಯರ ಹಕ್ಕುಗಳು ಮೂಲೆ ಗುಂಪಾಗಿವೆ. ಷರಿಯತ್ ಕಾನೂನು ಕಟ್ಟುನಿಟ್ಟಾಗಿ ಪಾಲಿಸಲು ಮುಂದಾಗಿರುವ ತಾಲಿಬಾನಿಗಳು ಮಹಿಳೆಯರ ಸ್ವಾತಂತ್ರ್ಯವನ್ನು ಸಂಪೂರ್ಣವಾಗಿ ಹತ್ತಿಕ್ಕಿದ್ದಾರೆ. ಮನೆಯಿಂದ ಹೊರ ಬರಬೇಕಾದರೆ ಮುಖ ಮುಚ್ಚುವಂತೆ ಬುರ್ಖಾ ಧರಿಸುವುದು ಕಡ್ಡಾಯ ಮಾಡಿ ಆದೇಶ ಹೊರಡಿಸಿದೆ. ತಾಲಿಬಾನಿಗಳ ಈ ಆದೇಶ ಅಲ್ಲಿಯ ಹೆಣ್ಣು ಮಕ್ಕಳಿಗೆ ಉಸಿರುಗಟ್ಟುವಂತೆ ಮಾಡಿದೆ.

ತಾಲಿಬಾನ್ ಉಗ್ರರ ಅತಿರೇಖದ ರೂಲ್ಸ್ ಗಳ ವಿರುದ್ಧ ಇದೀಗ ತಾಲಿಬಾನ್‍ಗಳಲ್ಲಿ ವ್ಯಾಪಕ ಆಕ್ರೋಶ ವ್ಯಕ್ತವಾಗುತ್ತಿದೆ. ತಮ್ಮ ಆಕ್ರೋಶವನ್ನು ಹೊರ ಹಾಕಲು ಸೋಷಿಯಲ್ ಮೀಡಿಯಾ ವೇದಿಕೆ ಮಾಡಿಕೊಂಡಿರುವ ಅಫ್ಗಾನ್ ಯುವತಿಯರು, ಮಹಿಳೆಯರು ಹೊಸ ಅಭಿಯಾನ ಶುರು ಮಾಡಿದ್ದಾರೆ.

Advertisement

ಪ್ರಜ್ಞಾವಂತ ಯುವತಿಯರು ಅಫ್ಗಾನ್ ಸಾಂಸ್ಕೃತಿಕ ಉಡುಗೆಗಳನ್ನು ತೊಟ್ಟು, ಆ ಧಿರಿಸಿನಲ್ಲಿರುವ ತಮ್ಮ ಫೋಟೊಗಳನ್ನು #DoNotTouchMyClothes,  #AfghanistanCulture ಹ್ಯಾಷ್ ಟ್ಯಾಟ್ ನಡಿ ಟ್ವಿಟರ್ ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಈ ಅಭಿಯಾನಕ್ಕೆ ಎಲ್ಲೆಡೆ ಪಾರ ಬೆಂಬಲ ವ್ಯಕ್ತವಾಗಿದೆ.

ಇಂದು ಅಫ್ಗಾನ್ ಮಹಿಳೆಯರು ಸಾಂಪ್ರದಾಯಿಕ ಉಡುಗೆಗಳನ್ನು ತೊಡುವ ಮೂಲಕ ತಾಲಿಬಾನ್‍ ಗಳ ವಿರುದ್ಧ ಪ್ರತಿಭಟಿಸುತ್ತಿದ್ದಾರೆ ಎಂದು ಓರ್ವಳು ಟ್ವೀಟ್ ಮಾಡಿದ್ದಾಳೆ.

ಮಹಿಳಾ ಉಡುಪುಗಳ ಮೇಲೆ ತಾಲಿಬಾನ್ ನ ಹೇರಿರುವ ನಿಷೇಧವನ್ನು ವಿರೋಧಿಸಿ, ಹೆಚ್ಚು ಹೆಚ್ಚು ಮಹಿಳೆಯರು ಈ ಅಭಿಯಾನಕ್ಕೆ ಕೈ ಜೋಡಿಸುತ್ತಿದ್ದಾರೆ. ಮತ್ತು ಸಂಪ್ರದಾಯವಾದಿ ಕಪ್ಪು ಬುರ್ಖಾಕ್ಕೆ ವ್ಯತಿರಿಕ್ತವಾಗಿ ಅಫ್ಘಾನ್ ಸಾಂಪ್ರದಾಯಿಕ ಉಡುಪುಗಳ ಚಿತ್ರಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next