Advertisement
ಪಿಲಿಕುಳ ಶಿವರಾಮ ಕಾರಂತ ಉದ್ಯಾನವನ ಬಳಿಯ ಜೆಎಲ್‌ಆರ್‌ (ಜಂಗಲ್‌ ಲಾಡ್ಜಸ್‌ ರೆಸಾರ್ಟ್‌) ಸಮೀಪ ಸುಮಾರು 6 ಎಕ್ರೆ ಜಾಗದಲ್ಲಿ ಸುಮಾರು 4.25 ಕೋಟಿ ರೂ. ವೆಚ್ಚದಲ್ಲಿ ಈ ಪಾರ್ಕ್ ನಿರ್ಮಾಣವಾಗಲಿದೆ. ಬಂಗಿ ಜಂಪಿಂಗ್‌, ಕಾಂಬೋ ಸ್ಲಿಥರಿಂಗ್‌, ಕೇಜ್‌ ರೈಡರ್‌, ಡ್ರಿಂಕ್ಸ್‌ ಇನ್‌ ದಿ ಸ್ಕೈ, ಜಂಪ್‌ ವಿಡಿಯೋ, ಜಂಪ್‌ ಫೋಟೋಗ್ರಾಫ್‌ ಇತ್ಯಾದಿ ಕ್ರೀಡೆಗಳು ಇರಲಿವೆ. ಬುಲ್‌ ರೈಡ್‌, ಹ್ಯೂಮನ್‌ ಝೋರ್ಬ್, ವೆಲೆರೋ ವಾಲ್‌, ರನ್ನಿಂಗ್‌ ಬಂಗಿ, ಗ್ಲೇಡಿಯೇಟರ್‌, ಬಿಗ್‌ ಗ್ಲೋವ್‌ ಬಾಕ್ಸಿಂಗ್‌, ಸುಮೋ ರೆಸ್ಲಿಂಗ್‌, ಕಮಾಂಡೋ ನೆಟ್‌, ಭಂಗಿ ಟಗ್‌ ಆಫ್‌ ವಾರ್‌, ಲ್ಯಾಂಡ್‌ ಝೋರ್ಬಿಂಗ್‌, ವಾಟರ್‌ ಝೋರ್ಬಿಂಗ್‌, ಒಲಿಂಪಿಕ್‌ ಆರ್ಚರಿ, ಏರ್‌ ರೈಫಲ್‌ ಶೂಟಿಂಗ್‌, ರಾಕ್‌ ವಾಲ್‌, ರೋಪ್‌ ಬ್ರಿಡ್ಜ್ ಆಟಗಳೂ ಇರಲಿವೆ.
ವಂಡರ್‌ಲಾ ಸಂಸ್ಥೆ ಬೆಂಗಳೂರಿನ ರಾಮನಗರ (5.9ಕೋಟಿ), ಮೈಸೂರು (1.7ಕೋಟಿ), ಗುಲ್ಬರ್ಗದ ಕಲ್ಬುರ್ಗಿ ಲೇಕ್‌ ಸೈಟ್‌ (2.6ಕೋಟಿ), ಹಂಪಿ(2.6ಕೋಟಿ), ಜೋಗ್‌ ಫಾಲ್ಸ್‌ ಸಮೀಪದ ಶರಾವತಿ(4.25ಕೋಟಿ), ನಂದಿ ಹಿಲ್ಸ್‌(5.25ಕೋಟಿ), ಬೆಳಗಾವಿ(4.45ಕೋಟಿ), ಮಂಗಳೂರಿನ ಪಿಲಿಕುಳ(4.25ಕೋಟಿ) ಪ್ರದೇಶವನ್ನು ಸಾಹಸ ಕ್ರೀಡೆಗೆ ಗುರುತಿಸಿದೆ. ಈ 8 ಪ್ರದೇಶದಲ್ಲೂ ವಿಭಿನ್ನವಾದ ಸಾಹಸ ಕ್ರೀಡೆ ಪಾರ್ಕ್ ನಿರ್ಮಾಣವಾಗಲಿದೆ.
Related Articles
ಪಿಲಿಕುಳದಲ್ಲಿ 4.25 ಕೋಟಿ ರೂ.ವೆಚ್ಚದಲ್ಲಿ ‘ಸಾಹಸ ಕ್ರೀಡೆ ಪಾರ್ಕ್’ ನಿರ್ಮಾಣ ಕುರಿತಂತೆ ಈಗಾಗಲೇ ವಂಡರ್‌ಲಾ ಪ್ರಸ್ತಾವನೆಯನ್ನು ಸರಕಾರಕ್ಕೆ ಕಳುಹಿಸಿದೆ. ಸರಕಾರ ಇದಕ್ಕೆ ಅನುಮೋದನೆ ನೀಡಿದ ಬಳಿಕ ಯೋಜನೆಗೆ ಚಾಲನೆ ನೀಡಲಾಗುವುದು. ಶೀಘ್ರವೇ ಒಪ್ಪಿಗೆ ಸಿಗುವ ನಿರೀಕ್ಷೆಯಿದೆ.
– ಸುಧೀರ್‌ ಗೌಡ, ಸಮಾಲೋಚಕರು, ಜಿಲ್ಲಾ ಪ್ರವಾಸೋದ್ಯಮ ಇಲಾಖೆ ದ.ಕ.
Advertisement
– ದಿನೇಶ್‌ ಇರಾ