Adani ವರದಿ 2 ತಿಂಗಳ ಮುಂಚೆ ಹಂಚಿಕೊಂಡಿದ್ದ ಹಿಂಡನ್‌ಬರ್ಗ್‌: ಸೆಬಿ

ನವದೆಹಲಿ: ಅದಾನಿ ಗ್ರೂಪ್‌ ವಿರುದ್ಧದ ವರದಿಯನ್ನು ಅದು ಪ್ರಕಟವಾ ಗುವ 2 ತಿಂಗಳು ಮುಂಚೆಯೇ ಹಿಂಡನ್‌ ಬರ್ಗ್‌ ರಿಸರ್ಚ್‌ ತನ್ನ ಗ್ರಾಹಕ ಸಂಸ್ಥೆಯಾದ ನ್ಯೂಯಾರ್ಕ್‌ನ ಹೆಡ್ಜ್ ಫ‌ಂಡ್‌ ಮ್ಯಾನೇಜರ್‌ ಮಾರ್ಕ್‌ ಕಿಂಗ್‌ಡನ್‌ಗೆ ನೀಡಿತ್ತು. ಅದಾನಿ ಗ್ರೂಪ್‌ನ ಷೇರು  ಮೌಲ್ಯ ಕುಸಿತದ ಲಾಭ ಪಡೆದುಕೊಂಡಿತ್ತು ಎಂದು ಭಾರತದ ಮಾರುಕಟ್ಟೆ ನಿಯಂತ್ರಣ ಸಂಸ್ಥೆ ಸೆಬಿ ಆರೋಪಿಸಿದೆ.

ಹಿಂಡೆನ್‌ಬರ್ಗ್‌ಗೆ 46 ಪುಟಗಳ ಶೋಕಾಸ್‌ ನೋಟಿಸ್‌ ಜಾರಿ ಮಾಡಿರುವ ಸೆಬಿ, ಷೇರು ದಲ್ಲಾಳಿ ಜತೆ ಒಪ್ಪಂದ ಮಾಡಿಕೊಂಡಿರುವ ಕೋಟಕ್‌ ಮಹೀಂದ್ರಾ ಬ್ಯಾಂಕ್‌ ಮತ್ತು ನ್ಯೂಯಾರ್ಕ್‌ನ ಹೆಡ್ಜ್ ಫ‌ಂಡ್‌ ಜತೆಗೂಡಿ ಹಿಂಡನ್‌ಬರ್ಗ್‌ ಸಾವಿರಾರು ಕೋಟಿ ಲಾಭ ಮಾಡಿಕೊಂಡಿತು ಎಂದು ಆರೋಪಿಸಿದೆ. ಹಿಂಡನ್‌ಬರ್ಗ್‌ ವರದಿಯಿಂದ ಅದಾನಿ ಗ್ರೂಪ್‌ ಷೇರುಗಳು ಕುಸಿತ ಕಂಡಿದ್ದವು.