ಕ್ಯಾನ್ಸರ್‌ನಿಂದ ಅಮೆರಿಕದ ಖ್ಯಾತ ಟೀವಿ ನಟ ಡಸ್ಟಿನ್‌ ಡೈಮಂಡ್‌ ನಿಧನ

ನ್ಯೂಯಾರ್ಕ್‌: ಅಮೆರಿಕದ ಟೀವಿ ನಟ, ಡಸ್ಟಿನ್‌ ಡೈಮಂಡ್‌ ತೀವ್ರ ಕ್ಯಾನ್ಸರ್‌ನಿಂದ ಸೋಮವಾರ ಮೃತಪಟ್ಟಿದ್ದಾರೆ.

ಕೇವಲ 3 ವಾರಗಳ ಹಿಂದೆ, ಅವರಿಗೆ ಕ್ಯಾನ್ಸರ್‌ ಇರುವುದು ಪತ್ತೆಯಾಗಿತ್ತು. ಅಷ್ಟರಲ್ಲೇ ರೋಗ ಇಡೀ ಶರೀರ ವ್ಯಾಪಿಸಿಕೊಂಡು ಡೈಮಂಡ್‌ ಮರಣವನ್ನಪ್ಪಿದರು. ಈ ವೇಳೆ ಅವರಿಗೆ 44 ವರ್ಷವಾಗಿತ್ತು ಎನ್ನುವುದನ್ನು ಗಮನಿಸಬೇಕು.

ಅವರು ಸೇವ್ಡ್ ಬೈ ದಿ ಬೆಲ್‌ ಎಂಬ ಟೀವಿ ಸರಣಿಗಳಿಂದ ಜನಪ್ರಿಯರಾಗಿದ್ದರು. ಹದಿಹರೆಯದ, ಶಾಲೆಗೆ ಹೋಗುವ ಮಕ್ಕಳ ಪರಿಸ್ಥಿತಿಯನ್ನು ಹಾಸ್ಯಮಯವಾಗಿ ಹೇಳುವ ಕಾರ್ಯಕ್ರಮ 1989ರಲ್ಲಿ ಆರಂಭವಾಗಿತ್ತು. ಅವರ ಕರ್ಕಶ ಕಂಠದಿಂದ ಕಾರ್ಯಕ್ರಮ ಜನಪ್ರಿಯವಾಗಿತ್ತು. ಆದರೂ ಈ ಸರಣಿ ಕೇವಲ ನಾಲ್ಕು ಋತುಗಳ ಕಾಲ ಮಾತ್ರ ನಡೆಯಿತು.

ಇದನ್ನೂ ಓದಿ:ಹೊಲದಲ್ಲಿ ಬಿದ್ದಿದ್ದ ನಿರ್ಗತಿಕನ ಶವ ಹೊತ್ತು 1 ಕಿ.ಮಿ. ಸಾಗಿದ ಮಹಿಳಾ ಎಸ್‌ಐ