ದೆಹಲಿ :10ನೇ ಮಹಡಿಯಿಂದ ಜಿಗಿದು ಪೊಲೀಸ್‌ ಅಧಿಕಾರಿ ಆತ್ಮಹತ್ಯೆ 

ಹೊಸದಿಲ್ಲಿ:ರಾಷ್ಟ್ರ ರಾಜಧಾನಿಯಲ್ಲಿರುವ ಪೊಲೀಸ್‌ ಹೆಡ್‌ ಕ್ವಾರ್ಟರ್ಸ್‌ ಕಟ್ಟಡದಲ್ಲಿ 10 ನೇ ಮಹಡಿಯಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 55 ರ ಹರೆಯದ ಎಸಿಪಿ ಪ್ರೇಮ್‌ ಬಲ್ಲಾಭ್‌ ಅವರು ಆತ್ಮಹತ್ಯೆ ಮಾಕಿಕೊಂಡ ಅಧಿಕಾರಿ. 

ಕೆಳಕ್ಕೆ ಬಿದ್ದೊಡನೆಯೆ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಅದಾಗಲೇ ಕೊನೆಯುಸಿರೆಳೆದಿದ್ದರು. ಕಠಿಣ ನಿರ್ಧಾರ ಕೈಗೊಳ್ಳಲು ಕಾರಣವೇನು ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ. 

ಪಿಟಿಐ ವರದಿಯಂತೆ ಬಲ್ಲಾಭ್‌ ಅವರು ಕ್ರೈಂ ಮತ್ತು ಟ್ರಾಫಿಕ್‌ ವಿಭಾಗದ ಅಧಿಕಾರಿಯಾಗಿದ್ದರು. 

2016 ರಲ್ಲಿ ಅವರ ಸೇವೆ ಪರಿಗಣಿಸಿ ಸರ್ಕಾರ ಪೊಲೀಸ್‌ ಪದಕವನ್ನೂ ನೀಡಿತ್ತು ಎಂದು ತಿಳಿದು ಬಂದಿದೆ.

ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.