ನಿಖರ ಸ್ಥಳ ಗುರುತಿಗೆ ಒಂದು ದೇಶ; ಒಂದು ವಿಳಾಸ

ಹೊಸದಿಲ್ಲಿ: “ಒಂದು ದೇಶ; ಒಂದು ತೆರಿಗೆ’, “ಒಂದು ದೇಶ; ಒಂದು ಪಡಿತರ’ ಮಾದರಿಯಲ್ಲೇ ದೇಶಾದ್ಯಂತ “ಒಂದು ದೇಶ; ಒಂದು ವಿಳಾಸ’ ಯೋಜನೆ ಜಾರಿಗೆ ಬರಲಿದೆ. ಇದರಿಂದ ದೇಶದ ಪ್ರತೀ ರಸ್ತೆಯನ್ನೂ ಗುರುತಿಸುವುದು ಸುಲಭವಾಗಲಿದೆ.

ಉದ್ಯೋಗ ಸೃಷ್ಟಿ ಮತ್ತು ಕೌಶಲಾಭಿವೃದ್ಧಿ ಬಗ್ಗೆ ಕೇಂದ್ರ ಸಾಮಾಜಿಕ ನ್ಯಾಯ ಮತ್ತು ಸಶಕ್ತೀಕರಣ ಸಚಿವ ಥಾವರ್‌ಚಂದ್‌ ಗೆಹಲೋಟ್‌ ನೇತೃತ್ವದ ಉನ್ನತಾಧಿಕಾರದ ಸಚಿವರ ಸಮಿತಿ ಪ್ರಧಾನಿ ಮೋದಿಯವರಿಗೆ ಈ ಬಗ್ಗೆ ವರದಿ ಸಲ್ಲಿಸಿದೆ. ಆಧಾರ್‌ ಸಂಖ್ಯೆಯಂತೆ ಪ್ರತೀ ಆಸ್ತಿ, ರಸ್ತೆಗೆ ವಿಶೇಷ ರೀತಿಯ ಸಂಕೇತ ಸಂಖ್ಯೆಗಳನ್ನು ನೀಡಲಾಗುತ್ತದೆ. ಅದರ ಆಧಾರದಲ್ಲಿ ಸುಲಭದಲ್ಲಿ ವಿಳಾಸ ಪತ್ತೆ ಸಾಧ್ಯವಾಗಲಿದೆ.

ವರದಿಯಲ್ಲಿ ಏನಿದೆ?
- ಇತ್ತೀಚಿನ ವರ್ಷಗಳಲ್ಲಿ ಗ್ರಾಮೀಣ ಮತ್ತು ನಗರ ಪ್ರದೇಶಗಳು ವ್ಯಾಪಕವಾಗಿ ಅಭಿವೃದ್ಧಿ ಗೊಳ್ಳುತ್ತಿವೆ. ಹೀಗಾಗಿ ಕೆಲವು ಪ್ರದೇಶಗಳು ಗುರುತಿಸುವಿಕೆಯಿಂದ ಹೊರಗೆ ಉಳಿಯುತ್ತವೆ.

- ಗ್ರಾಮ ಮತ್ತು ನಗರಗಳಲ್ಲಿ ಈಗಾಗಲೇ ಅಭಿ ವೃದ್ಧಿ ಹೊಂದಿದ ಪ್ರದೇಶಗಳ ರಸ್ತೆ ಗಳ ವಿವರಗಳನ್ನೇ ಹೊಸ ಪ್ರದೇಶಕ್ಕೆ ವಿಸ್ತರಿಸ ಲಾಗುತ್ತದೆ.

- ರಸ್ತೆ, ಕಟ್ಟಡ, ಪ್ರದೇಶಗಳನ್ನು ಗುರುತಿಸುವ ವ್ಯವಸ್ಥೆ ಇಲ್ಲದೇ ಇದ್ದರೆ ಅಭಿವೃದ್ಧಿಯಾಗುತ್ತಿರುವ ಸ್ಥಳದ ಗುರುತು ಹೇಗೆ ಸಾಧ್ಯ?

- ಅಪಘಾತದ ಸಂದರ್ಭದಲ್ಲಿ ಪೊಲೀಸರು, ಆ್ಯಂಬುಲೆನ್ಸ್‌ ಕ್ಲಪ್ತ ಸಮಯದಲ್ಲಿ ತಲುಪುವುದು ಹೇಗೆ? ಉಳಿದ ಸಂದರ್ಭದಲ್ಲಿ ಖಾಸಗಿ ಅಥವಾ ಸರಕಾರಿ ಸೇವೆಗಳನ್ನು ಆ ಪ್ರದೇಶಕ್ಕೆ ಕ್ಷಿಪ್ರವಾಗಿ ನೀಡುವುದೂ ಕಷ್ಟವಾಗುತ್ತದೆ.

- ಇದರ ಜತೆಗೆ ನಗರ, ಗ್ರಾಮೀಣ ವ್ಯಾಪ್ತಿ ಯಲ್ಲಿ ಸೂಕ್ತ ರೀತಿಯಲ್ಲಿ ತೆರಿಗೆ ಸಂಗ್ರಹಿಸಲೂ ಹೊಸ ವ್ಯವಸ್ಥೆ ನೆರವಾಗುತ್ತದೆ.

ಹೊಸ ವ್ಯವಸ್ಥೆ ಹೇಗೆ?
– ಸುಲಭವಾಗಿ ರಸ್ತೆ, ಕಟ್ಟಡ, ಪ್ರಮುಖ ಸ್ಥಳಗಳನ್ನು ಗುರುತಿಸಲು ವಿಶೇಷ ಸಂಕೇತ ಸಂಖ್ಯೆಗಳನ್ನು ನೀಡಲಾಗುತ್ತದೆ.

– ಅಕ್ಷರ ಮತ್ತು ಸಂಖ್ಯೆ (ಆಲ್ಫಾ ನ್ಯುಮರಿಕ್‌)ಗಳನ್ನು ರಸ್ತೆ, ಕಟ್ಟಡ, ಪ್ರಮುಖ ಸ್ಥಳಗಳಿಗೆ ನೀಡಲಾಗುತ್ತದೆ.

– ಹೊಸದಿಲ್ಲಿ ಮುನಿಸಿಪಲ್‌ ಕಾರ್ಪೊರೇಷನ್‌ ವ್ಯಾಪ್ತಿಯಲ್ಲಿ ಮತ್ತೂಂದು ರೀತಿಯಲ್ಲಿ ಸಂಕೇ ತಾ ಕ್ಷರಯುಕ್ತ ವಿಳಾಸ ವ್ಯವಸ್ಥೆಯನ್ನು ಪರೀಕ್ಷಾರ್ಥ  ಜಾರಿಗೊಳಿಸಲಾಗಿದೆ. ಮಹಾ ವೀರ ಶಿವಶಕ್ತಿ ಮಂದಿರ, ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರ, ಸಫ‌ªರ್‌ಜಂಗ್‌ ವಿಮಾನ ನಿಲ್ದಾಣ ರಸ್ತೆ, ಸತ್ಯ ಸದನ, ಹೊಸದಿಲ್ಲಿ- 110 003 ಎಂಬ ವಿಳಾಸವನ್ನು “ಎಸ್‌ಟಿಎಸ್‌ 100 138′ ಎಂದು ಗುರುತಿಸಬಹುದು.

ಎಲ್ಲೆಲ್ಲಿ ಪ್ರಯೋಗ?
-ಹೊಸದಿಲ್ಲಿ ಮುನಿಸಿಪಲ್‌ ಕಾರ್ಪೊರೇಷನ್‌
-ಭುವನೇಶ್ವರ ಮುನಿಸಿಪಲ್‌ ಕಾರ್ಪೊರೇಷನ್‌
-ಆಂಧ್ರಪ್ರದೇಶದ 110 ನಗರ ಸ್ಥಳೀಯ ಸಂಸ್ಥೆಗಳಲ್ಲಿ

1,125 ಕೋಟಿ ರೂ. ಯೋಜನೆಯ ಒಟ್ಟು ವೆಚ್ಚ
563 ಕೋಟಿ ರೂ. 2ನೇ ವರ್ಷ
562 ಕೋಟಿ ರೂ. ಮೊದಲ ವರ್ಷ
02 ಕೋಟಿ ಉದ್ಯೋಗ 5 ವರ್ಷಗಳಲ್ಲಿ