ಅಪಹರಣ: ಆರೋಪ ಅಲ್ಲಗಳೆದ ಕೇರಳ ಸಿಎಂ

ತಿರುವನಂತಪುರ: ದಕ್ಷಿಣ ಭಾರತದ ಖ್ಯಾತ ನಟಿಯ ಅಪಹರಣ ಮತ್ತು ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಯಾರಧ್ದೋ ಸಂಚಿದೆ ಎಂಬ ವಾದವನ್ನು ಕೇರಳ ಸಿಎಂ ತಿರಸ್ಕರಿಸಿದ್ದರು ಎಂಬ ಪ್ರತಿಪಕ್ಷಗಳ ಆರೋಪವನ್ನು ಪಿಣರಾಯಿ ವಿಜಯನ್‌ ಅಲ್ಲಗಳೆದಿದ್ದಾರೆ. 

“ಪ್ರಕರಣದಲ್ಲಿ ಸಂಚು ಇಲ್ಲ ಎಂದು ನಾನು ಹೇಳಿಯೇ ಇಲ್ಲ. ಈ ವಿಚಾರದಲ್ಲಿ ಮಾಧ್ಯಮವೊಂದರ ವರದಿಯನ್ನು ನಾನು ಉಲ್ಲೇ­ಖೀಸಿದ್ದೆ ಅಷ್ಟೆ. ಏನೇ ಆಗಿದ್ದರೂ, ತನಿಖೆಯ ಬಳಿಕ ಬೆಳಕಿಗೆ ಬರಲೇ­ ಬೇಕು,’ ಎಂದು ಸಿಎಂ ಪಿಣರಾಯಿ ಭಾನುವಾರ ತಿಳಿಸಿದ್ದಾರೆ. ಇದೇ ವೇಳೆ, ಆರೋಪಿ ಸುನಿ ಮತ್ತು ಸಹಚರ ವಿ.ಪಿ.ವಿಗೀಶ್‌ರನ್ನು ಭಾನುವಾರ ವಿಶೇಷ ತನಿಖಾ ತಂಡದ ಅಧಿಕಾರಿಗಳು ಕೊಯಮತ್ತೂರಿಗೆ ಕರೆದೊಯ್ದಿದ್ದಾರೆ.