ದೆಹಲಿ ಹಜ್‌ ಸಮಿತಿ ಅಧ್ಯಕ್ಷರಾಗಿ ಬಿಜೆಪಿಯ ಕೌಸರ್‌ ಆಯ್ಕೆ

ನವದೆಹಲಿ: ದೆಹಲಿ ಹಜ್‌ ಸಮಿತಿಯ ನೂತನ ಅಧ್ಯಕ್ಷರಾಗಿ ಬಿಜೆಪಿಯ ಕೌಸರ್‌ ಜಹಾನ್‌ ಆಯ್ಕೆಯಾಗಿದ್ದಾರೆ. ಈ ಮೂಲಕ ರಾಷ್ಟ್ರರಾಜಧಾನಿಯಲ್ಲಿ ಆಪ್‌ಗೆ ಭಾರೀ ಹಿನ್ನಡೆಯಾದಂತಾಗಿದ್ದು, ದೆಹಲಿ ಇತಿಹಾಸದಲ್ಲೇ ಸಮಿತಿಯ ಮುಖ್ಯಸ್ಥರಾಗಿ ಆಯ್ಕೆಯಾದ 2ನೇ ಮಹಿಳೆ ಎಂಬ ಖ್ಯಾತಿಗೂ ಜಹಾನ್‌ ಪಾತ್ರರಾಗಿದ್ದಾರೆ.

ಮುಸ್ಲಿಮರ ಪವಿತ್ರ ಕ್ಷೇತ್ರವಾದ ಮೆಕ್ಕಾಗೆ ಕೈಗೊಳ್ಳುವ ಭಾರತೀಯ ಮುಸ್ಲಿಮರ ಹಜ್‌ ಯಾತ್ರೆ ಈ ಸಮಿತಿ ವತಿಯಿಂದಲೇ ಆಯೋಜಿಸಲಾಗುತ್ತದೆ.ಅಧ್ಯಕ್ಷರಾಗಿ ಆಯ್ಕೆಯಾದ ಜಹಾನ್‌ ಮುಸ್ಲಿಂ ಸಮುದಾಯಕ್ಕೆ ಮೋದಿ ಸರ್ಕಾರದ ಕೊಡುಗೆಯನ್ನು ಶ್ಲಾಘಿಸಿದ್ದಾರೆ. ” ಮೋದಿ ಸರ್ಕಾರ ಮುಸ್ಲಿಮರ ಹಕ್ಕುಗಳಿಗಾಗಿ ಹೋರಾಡಿದೆ ತ್ರಿವಳಿ ತಲಾಖ್‌ ನಿಷೇಧದ ಬಳಿಕ ಮುಸ್ಲಿಂ ಮಹಿಳೆಯರು ಸುರಕ್ಷಿತರಾಗಿದ್ದಾರೆ. ಈಗ ಹಜ್‌ ಯಾತ್ರಿಗಳ ಸಮಸ್ಯೆ ಬಗೆಹರಿಸುವುದು ನಮ್ಮ ಕರ್ತವ್ಯ ಅದನ್ನು ನಿರ್ವಹಿಸುತ್ತೇವೆ ‘ ಎಂದಿದ್ದಾರೆ.