Advertisement

ನಿತ್ಯವೂ 80 ಮಂದಿಗೆ ಅನ್ನದಾತ ಇವರು

12:11 PM Apr 09, 2020 | mahesh |

ಡೋರ್ಸೆಟ್‌(ಇಂಗ್ಲೆಂಡ್‌): ಕೋವಿಡ್‌-19 ಬಾಧೆಯಿಂದ ಅಂದು ದುಡಿದು ಅಂದು ತಿನ್ನುವ ದಿನಗೂಲಿ ಕಾರ್ಮಿಕರ ಜೀವನ ಅತಂತ್ರವಾಗಿದ್ದು, ಕೆಲ ನಿರ್ಗತಿಕರ ಹಸಿವಿನ ಪಾಡು ಹೇಳತೀರದು. ಇಂಥವರ ಪಾಲಿಗೆ ಡೋರ್ಸೆಟ್‌ನ ಮಹಿಳೆಯೊಬ್ಬರು ಅನ್ನದಾತರಾಗಿದ್ದು, ಪ್ರತಿದಿನ 80 ಬಡ ಮಂದಿಯ ಹಸಿವು ನೀಗಿಸುತ್ತಿದ್ದಾರೆ.

Advertisement

ದುರ್ಬಲರಿಗಾಗಿ ಮಿಡಿಯುವ ಜೀವ
33 ವರ್ಷದ ಸೋಫಿಯಾ ಮಿಯರ್ಸ್‌ ಸ್ವ ಗೃಹ ಬಂದಿಯಾಗಿದ್ದು, ಈ ಮಹಾಕಾರ್ಯಕ್ಕೆ ಮುಂದಾಗಿದ್ದಾರೆ. ದಿನದ 10 ಗಂಟೆ ಅಡುಗೆ ಮನೆಯಲ್ಲಿಯೇ ವ್ಯಯಿಸಿ ತಮ್ಮ ನಗರದಲ್ಲಿ ವಾಸವಿರುವ 80 ಮಂದಿ ಬಡ ಮಂದಿಗೆ ಮತ್ತು ನಿರ್ಗತಿಕರಿಗೆ ಆಹಾರ ಸರಬರಾಜು ಮಾಡುತ್ತಿದ್ದಾರೆ. ಸೋಫಿಯಾಗೆ 4 ಜನ ಮಕ್ಕಳಿದ್ದು, ಇವರ ಈ ಕಾರ್ಯಕ್ಕೆ ಆಕೆಯ ಗಂಡ ಸಾಥ್‌ ನೀಡಿದ್ದಾರೆ.

ಯಾರು ಹಸಿವಿನಿಂದ ಬಳಲಬಾರದು
ಈ ಕುರಿತು ತನ್ನ ಅಭಿಪ್ರಾಯ ಹಂಚಿಕೊಂಡ ಸೋಫಿಯಾ ನಮಗೆ ಕುಟುಂಬವಿದೆ, ಬೇಕಾದನ್ನು ಮಾಡಿ ಸೇವಿಸಲು ಸಾಕಷ್ಟು ದಿನಸಿ ಇದೆ. ಆದರೆ ಕೆಲ ನಿರ್ಗತಿಕರಿಗೆ ಆಹಾರದ ಕೊರತೆ ಎದುರಾಗಿದ್ದು, ಯಾರೂ ಹಸಿವಿನಿಂದ ಬಳಲಬಾರದು ಎಂಬ ದೃಷ್ಟಿಯಿಂದ ಈ ಕಾರ್ಯ ಮಾಡುತ್ತಿದ್ದೇನೆ ಎಂದು ಸ್ಥಳೀಯ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

Advertisement

Udayavani is now on Telegram. Click here to join our channel and stay updated with the latest news.

Next