Moon: ಅ. 29ರಂದು ಚಂದ್ರಗ್ರಹಣ- ದೇಶಾದ್ಯಂತ ಗೋಚರ

ಹೊಸದಿಲ್ಲಿ: ಪ್ರಸಕ್ತ ಮಾಸವು ಸದ್ಯದಲ್ಲೇ ಎರಡನೇ ಗ್ರಹಣಕ್ಕೆ ಸಾಕ್ಷಿಯಾಗಲಿದೆ. ಇದೇ ಅ. 29ರಂದು ಚಂದ್ರಗ್ರಹಣ ಸಂಭವಿಸಲಿದೆ ಎಂದು ಖಗೋಳ ವಿಜ್ಞಾನಿಗಳು ಹೇಳಿದ್ದಾರೆ. ಸೂರ್ಯಗ್ರಹಣವಾಗಿ 14 ದಿನಗಳಲ್ಲೇ ಈ ವಿದ್ಯಮಾನ ನಡೆಯಲಿದ್ದು, ಖಗೋಳಾಸಕ್ತರನ್ನು ಪುಳಕಗೊಳಿಸಿದೆ. ಅಕ್ಟೋಬರ್‌ 28-29ರ ನಡುವಿನ ರಾತ್ರಿ ಭಾಗಶಃ ಚಂದ್ರ ಗ್ರಹಣ ಸಂಭವಿಸಲಿದೆ.

ಮಧ್ಯರಾತ್ರಿಯ ವೇಳೆ ಭಾರತದ ಎಲ್ಲ ಪ್ರದೇಶಗಳಲ್ಲೂ ಪಾರ್ಶ್ವ ಚಂದ್ರಗ್ರಹಣ ಗೋಚರಿಸಲಿದೆ. ಒಟ್ಟು 1 ಗಂಟೆ 19 ನಿಮಿಷಗಳ ಕಾಲ ಗ್ರಹಣ ಇರಲಿದೆ. ಇದಾದ ಬಳಿಕ ಚಂದ್ರಗ್ರಹಣ ವೀಕ್ಷಿಸಲು ಸಿಗುವುದು 2025ರ ಸೆಪ್ಟಂಬರ್‌ 7ರಂದು. ಅಂದು ಸಂಪೂರ್ಣ ಚಂದ್ರಗ್ರಹಣ ಉಂಟಾಗಲಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.