ರಾಹುಲ್‌ ವಿರುದ್ಧ ಚೌಕಿದಾರರ ದೂರು

ಮುಂಬಯಿ: ಪ್ರಧಾನಿ ಮೋದಿ ಅವರನ್ನು ಉದ್ದೇಶಿಸಿ “ಚೌಕಿದಾರ್‌ ಚೋರ್‌ ಹೈ’ ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಕರೆಯುವುದನ್ನು ಆಕ್ಷೇಪಿಸಿ ಮುಂಬಯಿನ ಸೆಕ್ಯೂರಿಟಿ ಗಾರ್ಡ್‌ಗಳ ಸಂಘ ರಾಹುಲ್‌ ಗಾಂಧಿ ವಿರುದ್ಧ ಕೇಸು ದಾಖಲಿಸುವಂತೆ ಮುಂಬಯಿ ಪೊಲೀಸರ ಮೊರೆ ಹೋಗಿದೆ. “ಚೌಕಿ ದಾರ್‌ ಚೋರ್‌ ಹೈ’ ಎಂದು ಕರೆಯುವುದರಿಂದ ಭದ್ರತಾ ಸಿಬಂದಿಗೆ ಅವಮಾನಿಸಿದಂತಾಗುತ್ತದೆ ಎಂದು ಮಹಾರಾಷ್ಟ್ರ ರಾಜ್ಯ ಸುರಕ್ಷಾ ಸಂಘ ಬಾಂಗ್ರಾ-ಕುರ್ಲಾ ಪೊಲೀಸ್‌ ಠಾಣೆಗೆ ದೂರು ನೀಡಿದೆ. ಪೊಲೀಸರು ರಾಹುಲ್‌ ಗಾಂಧಿ ವಿರುದ್ಧ ದೂರು ದಾಖಲಿಸಿ, ಮುಂದಿನ ದಿನಗಳಲ್ಲಿ ಅವರು ಇಂಥ ಹೇಳಿಕೆ ನೀಡುವುದನ್ನು ತಡೆಯಬೇಕು ಎಂದು ಸಂಘ ಕೇಳಿಕೊಂಡಿದೆ.