ಇತ್ತೀಚೆಗಷ್ಟೇ 110ರ ಅಜ್ಜಿಗೆ ಹೊಸ ಹಲ್ಲು!

ಕೋಲ್ಕತ್ತಾ : ಇತ್ತೀಚೆಗಷ್ಟೇ 106 ವರ್ಷದ ಅಜ್ಜಿಗೆ ಹಲ್ಲು ಮೂಡಿದ್ದ ಕಾರಣ, ತೊಟ್ಟಿಲ ಶಾಸ್ತ್ರ ನೆರವೇರಿಸಿದ್ದ ವೀಡಿಯೋ ವೈರಲ್‌ ಆಗಿತ್ತು.

ಅರರೆ, ಹಲ್ಲು ಮೂಡಿತೇ? ಎಂದು ಜನರು ಹುಬ್ಬೇ­ರಿ­ಸಿದ್ದರು. ಈಗ ಅದೇ ಮಾದರಿಯಲ್ಲಿ ಪಶ್ಚಿಮ ಬಂಗಾಲದಲ್ಲಿ 110 ವರ್ಷದ ವೃದ್ಧೆಗೆ ಹಲ್ಲು ಮತ್ತು ಕೂದಲು ಮೂಡಿದೆ. ಅಜ್ಜಿಗೆ ಇದು ಹೊಸಜನ್ಮವೆಂದು ಭಾವಿಸಿ, ಕುಟುಂಬಸ್ಥರು ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿ­ದ್ದಾರೆ.

ಅದರ ವೀಡಿಯೋ ಈಗ ವೈರಲ್‌ ಆಗಿದೆ. ಬಡ್ಜ್ ವಿಧಾನಸಭಾ ಕ್ಷೇತ್ರದ ನಿವಾಸಿ­ಯಾಗಿರುವ ಸಖೀಬಾಲ್‌ ಮೊಂಡಾಲ್‌ ಎನ್ನುವ ವೃದ್ಧೆಯ ಕುಟುಂಬಸ್ಥರು ಅದಕ್ಕಾ ಗಿಯೇ ವಿಶೇಷ ಕಾರ್ಯಕ್ರಮ ಆಯೋಜಿಸಿದ್ದರು.