Advertisement

76 ರ ವೃದ್ಧನಿಂದ ನಿರಂತರ ರೇಪ್‌!;13 ರ ಬಾಲಕಿ ಗರ್ಭಿಣಿ!

10:47 AM Mar 03, 2018 | Team Udayavani |

ಹೈದರಾಬಾದ್‌: ನಗರದಲ್ಲಿ ಬೆಚ್ಚಿ ಬೀಳಿಸುವ ಹೇಯ ಘಟನೆಯೊಂದರಲ್ಲಿ 76 ವರ್ಷದ ವೃದ್ಧನೊಬ್ಬ 13 ರ ಹರೆಯದ ಬಾಲಕಿಗೆ ಚಾಕಲೇಟ್‌,ತಿಂಡಿಯ ಆಸೆ ತೋರಿಸಿ ನಿರಂತರವಾಗಿ ಅತ್ಯಾಚಾರ ಎಸಗಿ ಗರ್ಭಿಣಿಯನ್ನಾಗಿಸಿದ್ದಾರೆ.

Advertisement

ಆರೋಪಿಯಾಗಿರುವ ಹಬೀಬ್‌ ನಗರದ ಅಘಾಪುರದ ಅಬ್ದುಲ್‌  ವಹಾಬ್‌ ಎಂಬ ವೃದ್ಧನನ್ನು ಇದೀಗ ಪೊಲೀಸರು ಬಂಧಿಸಿದ್ದಾರೆ. 

ಬಂಧಿತ ಕಾಮುಕ 2017 ರ ಜೂನ್‌ ತಿಂಗಳಿನಿಂದ ಬಾಲಕಿಯ ಮೇಲೆ ನಿರಂತರವಾಗಿ ಲೈಂಗಿಕ ದೌರ್ಜನ್ಯ ಎಸಗಿದ್ದ ಎಂದು ತಿಳಿದು ಬಂದಿದೆ.

ಬಾಲಕಿಯ ದೇಹದಲ್ಲಿನ ಬದಲಾವಣೆ ಮತ್ತು ಹೊಟ್ಟೆ ನೋವಿನ ಕುರಿತಾಗಿ ವೈದ್ಯರ ಬಳಿ ಪರೀಕ್ಷಿಸಿದಾಗ ಬಾಲಕಿ ಗರ್ಭಿಣಿಯಾಗಿರುವುದು ಬೆಳಕಿಗೆ ಬಂದಿದ್ದು ಪೋಷಕರು ಕಂಗಾಲಾಗಿ ಪೊಲೀಸರಿಗೆ ದೂರು ನೀಡಿದ್ದಾರೆ.

ಮಾಧ್ಯಮದಲ್ಲಿ ವರದಿಯಾದಂತೆ ಬಾಲಕಿ ಇದೀಗ 7 ತಿಂಗಳ ಗರ್ಭಿಣಿ. ಹಬೀಬ್‌ನಗರ ಠಾಣೆಯ ಪೊಲೀಸರು ಸೆಕ್ಷನ್‌ 376 ಮತ್ತು ಪೋಕ್ಸೋ ಕಾಯಿದೆ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ. 

Advertisement

 ಕಳೆದ ನವೆಂಬರ್‌ನಲ್ಲಿ ಹೈದರಾಬಾದ್‌ನ ಕುಶಾಯಿಗುಡದಲ್ಲಿ  7 ಮಂದಿ ದಲಿತ ಬಾಲಕಿಯರ ಮೇಲೆ ಅತ್ಯಾಚಾರ ಎಸಗಿದ್ದ 85 ರ ವೃದ್ಧನನ್ನು ಪೊಲೀಸರು ಬಂಧಿಸಿದ್ದರು. 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next