5, 8ನೇ ತರಗತಿ ಮೌಲ್ಯಾಂಕನ ಪರೀಕ್ಷೆ: ಇಂದು ನಿರ್ಧಾರ ?

ಬೆಂಗಳೂರು: ರಾಜ್ಯದ ಶಾಲೆಗಳಲ್ಲಿ ವ್ಯಾಸಂಗ ಮಾಡುತ್ತಿರುವ 5 ಮತ್ತು 8ನೇ ತರಗತಿ ವಿದ್ಯಾರ್ಥಿಗಳಿಗೆ ಮೌಲ್ಯಾಂಕನ ಪರೀಕ್ಷೆ ನಡೆಸುವ ಸಂಬಂಧ ಬುಧವಾರ ನಡೆದ ಸಭೆಯಲ್ಲಿ ಸಾಕಷ್ಟು ಚರ್ಚೆ ನಡೆಸ ಲಾಯಿತಾದರೂ ಯಾವುದೇ ನಿರ್ಣಯ ಸಾಧ್ಯವಾಗಿಲ್ಲ. ಗುರುವಾರವೂ ಸಭೆ ಮುಂದುವರಿಯಲಿದ್ದು, ಅಲ್ಲಿ ನಿರ್ಣಯ ಕೈಗೊಳ್ಳುವ ಸಾಧ್ಯತೆಗಳಿವೆ.

ಮದರಸ ಶಿಕ್ಷಣ ವ್ಯವಸ್ಥೆ ಚರ್ಚೆ
ಗುರುವಾರದ ಸಭೆಯಲ್ಲಿ ಮದ್ರಸಾಗಳ ಶಿಕ್ಷಣ ವ್ಯವಸ್ಥೆ ಕೂಡ ಚರ್ಚಿಸಲಾಗುತ್ತದೆ. ಮದ್ರಸಾ ಗಳಲ್ಲಿ ನಡೆಯುತ್ತಿರುವ ಶಿಕ್ಷಣ ಬಗ್ಗೆ ವರದಿ ನೀಡುವಂತೆ ಜಿಲ್ಲಾ ಉಪ ನಿರ್ದೇಶಕರಿಗೆ ಆಗಸ್ಟ್‌ ನಲ್ಲಿ ಸೂಚಿಸಲಾಗಿತ್ತು. ಇದರ ವರದಿಯನ್ನು ಅಧಿಕಾರಿಗಳು ಸಲ್ಲಿಸುವ ಸಾಧ್ಯತೆಗಳಿವೆ.