ಅಂಡಮಾನ್‌ ನಿಕೋಬಾರ್‌ ದ್ವೀಪದಲ್ಲಿ 5.9ರಷ್ಟು ತೀವ್ರತೆಯ ಪ್ರಬಲ ಭೂಕಂಪ

ಹೊಸದಿಲ್ಲಿ : ಅಂಡಮಾನ್‌ ನಿಕೋಬಾರ್‌ ದ್ವೀಪದಲ್ಲಿ ಇಂದು ಬೆಳಗ್ಗೆ 8.21ರ ಸುಮಾರಿಗೆ 5.9 ಅಂಕಗಳ ಪ್ರಬಲ ಭೂಕಂಪ ಸಂಭವಿಸಿದೆ.

ನಿಕೋಬಾರ್‌ ದ್ವೀಪ ಪ್ರದೇಶದಲ್ಲಿ ಹತ್ತು ಕಿ.ಮೀ. ಆಳದಲ್ಲಿ ಭೂಕಂಪದ ಕೇಂದ್ರ ಬಿಂದು ಇತ್ತೆಂದು ರಾಷ್ಟ್ರೀಯ ಭೂಕಂಪ ಮಾಪನ ಕೇಂದ್ರ ಹೇಳಿದೆ. 

ರಿಕ್ಟರ್‌ ಮಾಪಕದಲ್ಲಿ 5.9 ಅಂಕಗಳ ತೀವ್ರತೆ ದಾಖಲಾಗಿರುವುದಾದರೂ ಈ ಪ್ರಬಲ ಭೂಕಂಪದಿಂದ ಸುನಾಮಿ ಸಂಭಾವ್ಯತೆ ಕಾಣಿಸಿಕೊಂಡಿಲ್ಲ; ಹಾಗಾಗಿ ಆ ಕುರಿತ ಎಚ್ಚರಿಕೆಯನ್ನು ಹೊರಡಿಸಲಾಗಿಲ್ಲ ಎಂದು ಕೇಂದ್ರವು ಹೇಳಿದೆ. 

ಭೂಕಂಪದಿಂದ ಯಾವುದೇ ಸಾವು, ನೋವು, ನಾಶ-ನಷ್ಟ ಉಂಟಾದ ವರದಿಗಳು ಈ ತನಕ ಬಂದಿಲ್ಲ. 

ಇಂದು ಬೆಳಗ್ಗೆ 5.48 ಹೊತ್ತಿಗೆ ಜಮ್ಮು ಕಾಶ್ಮೀರದ ಕಠುವಾದಲ್ಲಿ 3.6 ಅಂಕಗಳ ತೀವ್ರತೆಯ ಭೂಕಂಪ ಸಂಭವಿಸಿರುವುದಾಗಿ ವರದಿಯಾಗಿದೆ.