ಸಾಂಗ್ಲಿಯಲ್ಲಿ ಭೀಕರ ಅಪಘಾತ: 6 ಪೈಲ್ವಾನ್‌ಗಳು ಬಲಿ

 ಸಾಂಗ್ಲಿ: ಇಲ್ಲಿನ ವಾಂಗಿ ಎಂಬಲ್ಲಿ ಕ್ರೂಸರ್‌ ಮತ್ತು ಟ್ರ್ಯಾಕ್ಟರ್‌ ನಡುವೆ ಶುಕ್ರವಾರ ತಡರಾತ್ರಿ  ಸಂಭವಿಸಿದ ಭೀಕರ ಅಪಘಾತದಲ್ಲಿ 5  ಕುಸ್ತಿ ಪಟುಗಳು ಸೇರಿ 6 ಮಂದಿ  ದಾರುಣವಾಗಿ  ಸಾವನ್ನಪ್ಪಿದ್ದಾರೆ. 

ಕ್ರೂಸರ್‌ನಲ್ಲಿ 13 ಮಂದಿ ಕುಸ್ತಿ ಪಟುಗಳು ರಾಜ್ಯಮಟ್ಟದ ಪಂದ್ಯಾಟವೊಂದರಲ್ಲಿ ಪಾಲ್ಗೊಂಡು ವಾಪಾಸಾಗುತ್ತಿದ್ದ ವೇಳೆ ಅವಘಡ ಸಂಭವಿಸಿದೆ. 

ಅವಘಡದಲ್ಲಿ 7 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು ಸಾಂಗ್ಲಿಯ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. 

ಚಿಂಚ್‌ನಿ ವಾಂಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  ಅವಘಡದ ಬಳಿಕ ಟ್ರ್ಯಾಕ್ಟರ್‌ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದು ಆತನಿಗಾಗಿ  ಪೊಲೀಸರು ಶೋಧ ನಡೆಸುತ್ತಿದ್ದಾರೆ.