15 ಮಂದಿ ಇದ್ದ ಜೀಪ್‌ ಮರಕ್ಕೆ ಢಿಕ್ಕಿ : ಒಂದೇ ಕುಟುಂಬದ ಐವರ ಸಾವು

ಬಂಡಾ, ಉತ್ತರ ಪ್ರದೇಶ : ಫ‌ತೇಫ‌ುರ ಜಿಲ್ಲೆಯ ಹಸನ್‌ಗಂಜ್‌ ಪ್ರದೇಶದಲ್ಲಿ ನಿನ್ನೆ ಭಾನುವಾರ ಮಧ್ಯರಾತ್ರಿಯ ವೇಳೆಗೆ 15 ಮಂದಿ ಇದ್ದ  ಜೀಪ್‌, ಚಾಲಕನ ನಿಯಂತ್ರಣ ಕಳೆದುಕೊಂಡು ಮರಕ್ಕೆ ಢಿಕ್ಕಿಯಾದ ಭೀಕರ ಅವಘಡದಲ್ಲಿ ಒಂದೇ ಕುಟುಂಬದ ಐವರು ಮೃತಪಟ್ಟು ಇತರ ಸುಮಾರು 10 ಮಂದಿ ಗಾಯಗೊಂಡ ಘಟನೆ ನಡೆದಿದೆ.

ಮೃತಪಟ್ಟಿರುವ ಒಂದೇ ಕುಟುಂಬದ ಐವರನ್ನು ರಮೇಶ್‌ (45), ಆರತಿ (20), ಪ್ರಿಯಾ (5), ಸೋನಮ್‌ (8), ನೇಹಾ (14) ಎಂದು ಗುರುತಿಸಲಾಗಿದೆ. ಅಪಘಾತದ ತೀವ್ರತೆಯಲ್ಲಿ ಇವರೆಲ್ಲರೂ ಸ್ಥಳದಲ್ಲೇ ಮೃತಪಟ್ಟರು. 

ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ಸೇರಿಸಲಾಗಿದ್ದು ಷವರೆಲ್ಲ ಪ್ರಾಣಾಪಾಯದಿಂದ ಪಾರಾಗಿರುವುದು ಪೊಲೀಸರು ತಿಳಿಸಿದ್ದಾರೆ.