ಟಿವಿ ವೀಕ್ಷಿಸುತ್ತಿದ್ದ ಗರ್ಭಿಣಿ ತಾಯಿಗೆ ಗುಂಡು ಹೊಡೆದ 4 ವರ್ಷದ ಮಗ!

ವಾಷಿಂಗ್ಟನ್: ಟಿವಿ ನೋಡುತ್ತಿದ್ದ ಗರ್ಭಿಣಿ ತಾಯಿ ಮೇಲೆ ನಾಲ್ಕು ವರ್ಷದ ಪುಟಾಣಿ ಮಗ ಆಕಸ್ಮಿಕವಾಗಿ ಹ್ಯಾಂಡ್ ಗನ್ ನಿಂದ ಗುಂಡು ಹಾರಿಸಿದ ಘಟನೆ ಅಮೆರಿಕದಲ್ಲಿ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಎಂಟು ತಿಂಗಳ ಗರ್ಭಿಣಿ ತಾಯಿ ಹಾಗೂ ಆಕೆಯ ಬಾಯ್ ಫ್ರೆಂಡ್ ಜೊತೆ ಬೆಡ್ ಮೇಲೆ ಕುಳಿತುಕೊಂಡು ಟಿವಿ ನೋಡುತ್ತಿದ್ದರು. ಈ ಸಂದರ್ಭದಲ್ಲಿ ಕೋಣೆಯೊಳಗೆ ಬಂದ ಮಗುವಿಗೆ ಹ್ಯಾಂಡ್ ಗನ್ ಅನ್ನು ನೋಡಿದ್ದ. ಅದನ್ನು ಕೈಗೆತ್ತಿಕೊಂಡು ತಾಯಿಯ ಮುಖಕ್ಕೆ ಗುರಿಯಿಟ್ಟು ಹೊಡೆದು ಬಿಟ್ಟಿದ್ದ ಎಂದು ಕಿಂಗ್ಸ್ ಕೌಂಟಿ ಷರೀಫ್ಸ್ ಕಚೇರಿಯ ವಕ್ತಾರ ಸಾರ್ಜೆಂಟ್ ರೈಯಾನ್ ಅಬ್ಬೊಟ್ಟ ಮಾಹಿತಿ ನೀಡಿದ್ದಾರೆ.

ಮಾರಣಾಂತಿಕವಾಗಿ ಗಾಯಗೊಂಡಿದ್ದ ಆಕೆಯನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದು, ಆಕೆ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ ಎಂದು ಮಾಧ್ಯಮದ ವರದಿ ವಿವರಿಸಿದೆ. ಬಾಯ್ ಫ್ರೆಂಡ್ ಮಗುವಿನ ತಂದೆಯಾಗಿದ್ದು, ಪ್ರಕರಣವನ್ನು ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.