ಕೆಪಿಎಸ್‌ಸಿ ಸದಸ್ಯತ್ವಕ್ಕೆ ನಾಲ್ವರ ಹೆಸರು ಶಿಫಾರಸು

ಬೆಂಗಳೂರು: ಕೆಪಿಎಸ್‌ಸಿಯಲ್ಲಿ ಖಾಲಿ ಇರುವ ಸದಸ್ಯರ ಸ್ಥಾನ ಭರ್ತಿ ಮಾಡಲು ರಾಜ್ಯ ಸರಕಾರ ನಾಲ್ವರನ್ನು ನೇಮಕ ಮಾಡುವಂತೆ ರಾಜ್ಯಪಾಲರಿಗೆ ಶಿಫಾರಸು ಮಾಡಿದೆ. 

ಮುಜರಾಯಿ ಇಲಾಖೆ ಸೇವೆಯಲ್ಲಿರುವ ಷಡಕ್ಷರಿ ಸ್ವಾಮಿ, ಮುಖ್ಯಮಂತ್ರಿ ಆರೋಗ್ಯ ತಪಾಸಣೆ ನಡೆಸುವ ವೈದ್ಯ ಡಾ| ರವಿಕುಮಾರ್‌, ಮಾಲಿನ್ಯ ನಿಯಂತ್ರಣ ಮಂಡಳಿಯಲ್ಲಿ ಸೇವೆ ಸಲ್ಲಿಸುತ್ತಿರುವ ಲಕ್ಷ್ಮೀನಾರಾಯಣ, ರಾಯಚೂರು ಮೂಲದ ವಕೀಲ ಶ್ರೀಕಾಂತ ಅವರ ಹೆಸರನ್ನು ರಾಜ್ಯಪಾಲರಿಗೆ ಮುಖ್ಯಮಂತ್ರಿ ಶಿಫಾರಸು ಮಾಡಿದ್ದಾರೆ.