ಅಫ್ಘಾನಿಸ್ಥಾನಕ್ಕೆ ಮತ್ತೆ 3,500 ಅಮೆರಿಕನ್‌ ಸೈನಿಕರು

ವಾಷಿಂಗ್ಟನ್‌ : ಸಮರತ್ರಸ್ತ ಅಫ್ಘಾನಿಸ್ಥಾನಕ್ಕೆ ಅಮೆರಿಕ ಇನ್ನೂ 3,500 ಸೈನಿಕರನ್ನು ಕಳುಹಿಸಿಕೊಡುತ್ತಿದೆ. ಇದರೊಂದಿಗೆ ಅಫ್ಘಾನಿಸ್ಥಾನದಲ್ಲಿ ಕಾರ್ಯಾಚರಿಸುತ್ತಿರುವ ಅಮೆರಿಕನ್‌ ಸೈನಿಕರ ಸಂಖ್ಯ 14,500 ಆಗಲಿದೆ ಎಂದು ಅಮೆರಿಕದ ರಕ್ಷಣಾ ಸಚಿವಾಲಯದ ಅಧಿಕಾರಿ ತಿಳಿಸಿದ್ದಾರೆ. 

ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಈಚೆಗೆ ಪ್ರಕಟಿಸಿರುವ ಅಫ್ಘಾನಿಸ್ಥಾನ ನೀತಿಗೆ ಅನುಗುಣವಾಗಿಯೇ ಹೊಸದಾಗಿ 3,500 ಸೈನಿಕರನ್ನು ಅಮೆರಿಕ ಅಲ್ಲಿಗೆ ಕಳುಹಿಸಿಕೊಡುತ್ತಿದೆ. ಟ್ರಂಪ್‌ ಅವರ ನೂತನ ಅಫ್ಘಾನಿಸ್ಥಾನ ನೀತಿಯಲ್ಲಿ  ಅಮೆರಿಕನ್‌ ಸೈನಿಕರನ್ನು ಅಫ್ಘಾನಿಸ್ಥಾನ ದಿಂದ ವಾಪಸ್‌ ಕರೆಸಿಕೊಳ್ಳುವುದಕ್ಕೆ ಯಾವುದೇ ಸಮಿತಿಯ ಮಿತಿಯನ್ನು ನಿಗದಿಸಿಲ್ಲ ಎಂದು ಅಮೆರಿಕದ ರಕ್ಷಣಾ ಸಚಿವ ಜಿಮ್‌ ಮ್ಯಾಟಿಸ್‌ ಹೇಳಿದ್ದಾರೆ.