ತಮಿಳು ನಾಡು: ಸ್ಟೀಲ್‌ ಪ್ಲಾಂಟ್‌ ನಲ್ಲಿ ಬಾಯ್ಲರ್‌ ಸ್ಫೋಟ; ಮೂವರು ಕಾರ್ಮಿಕರ ಸಾವು

ಕಾಂಚೀಪುರಂ, ತಮಿಳು ನಾಡು : ಜಿಲ್ಲೆಯ ಸ್ಟೀಲ್‌ ಪ್ಲಾಂಟ್‌ ಒಂದರಲ್ಲಿ ಬಾಯ್ಲರ್‌ ಸಿಡಿದು ಮೂವರು ಕಾರ್ಮಿಕರು ಮೃತಪಟ್ಟ ಘಟನೆ ವರದಿಯಾಗಿದೆ.

ಇಲ್ಲಿಂದ 30 ಕಿ.ಮೀ.ದೂರದಲ್ಲಿರುವ ಕಾಲಿಯಾನ್‌ಪೂಂಡಿ ಯಲ್ಲಿನ ಸ್ಟೀಲ್‌ ಪ್ಲಾಂಟ್‌ ನಲ್ಲಿ ನಿನ್ನೆ ಗುರುವಾರ ಮಧ್ಯ ರಾತ್ರಿ ವೇಳೆ ಬಾಯ್ಲರ್‌ ಸಿಡಿದು ಎಂಟು ಕಾರ್ಮಿಕು ಗಾಯಗೊಂಡಿದ್ದರು.

ಸರಕಾರಿ ಆಸ್ಪತ್ರೆಗೆ ದಾಖಲುಗೊಂಡಿದ್ದ ಇವರಲ್ಲಿ ಮೂವರು ಚಿಕಿತ್ಸೆ ಫ‌ಲಕಾರಿಯಾಗದೆ ಮೃತಪಟ್ಟರು. ಉಳಿದ ಐವರ ಸ್ಥಿತಿ ಚಿಂತಾಜನಕವಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಾಯ್ಲರ್‌ ಸ್ಫೋಟಕ್ಕೆ ಕಾರಣವೇನೆಂದು ತಿಳಿಯಲು ತನಿಖೆ ನಡೆಯತ್ತಿದೆ.