ಎಸ್‌ಯುವಿ ವಾಹನ ಗಟಾರಕ್ಕೆ ಉರುಳಿ ಬಿದ್ದು ಮೂವರ ಸಾವು

ಬಂದಾ, ಉತ್ತರ ಪ್ರದೇಶ : ಇಲ್ಲಿನ ಕಳಿಂಜಾರ್‌ ಎಂಬಲ್ಲಿನ ಆನಂದಪುರ ಗ್ರಾಮದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಎಸ್‌ಯುವಿ ವಾಹನವೊಂದು ಗಟಾರಕ್ಕೆ ಉರುಳಿ ಬಿದ್ದು ಮೂವರು ಮೃತಪಟ್ಟು ಇತರ ಆರು ಮಂದಿ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಮೃತರನ್ನು ಉಮೇಶ್‌ ಚಂದ್ರ 40, ಅವರ ಪುತ್ರಿ ಆರಾಧ್ಯ 8 ಮತ್ತು ನಾದಿನಿ ರೇಖಾ 30 ಎಂದು ಗುರುತಿಸಲಾಗಿದೆ. ಇವರೆಲ್ಲರೂ ಮದುವೆ ಕಾರ್ಯಕ್ರಮ ಮುಗಿಸಿ ಮರಳುತ್ತಿದ್ದರು. 

ಉಮೇಶ್‌, ಆರಾಧ್ಯ ಮತ್ತು ರೇಖಾ ಸ್ಥಳದಲ್ಲೇ ಮೃತಪಟ್ಟರು. ಗಾಯಾಳುಗಳನ್ನು ಒಡನೆಯೇ ಆಸ್ಪತ್ರೆಗೆ ಸೇರಿಸಲಾಗಿದ್ದು ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.