ಜೀಪ್‌ ಪಲ್ಟಿಯಾಗಿ ಇಬ್ಬರು ಮಹಿಳೆಯರ ಸಹಿತ ಮೂವರ ಸಾವು

ಬಲ್ಲಿಯಾ, ಉತ್ತರ ಪ್ರದೇಶ : ಇಲ್ಲಿನ ರಸ್‌ದಾ ಪ್ರದೇಶದಲ್ಲಿ ಜೀಪ್‌ ಅಡಿ ಮೇಲಾಗಿ ಮಗುಚಿ ಬಿದ್ದ ಭೀಕರ ಅಪಘಾಡದಲ್ಲಿ  ಇಬ್ಬರು ಮಹಿಳೆಯರು ಸೇರಿದಂತೆ ಮೂವರು ಮೃತಪಟ್ಟು ಇತರ ನಾಲ್ವರು ಗಾಯಗೊಂಡ ಘಟನೆ ವರದಿಯಾಗಿದೆ.

ಮೃತಪಟ್ಟವರನ್ನು ಮೇದಾಂತಿ ದೇವಿ 78, ಕಲಾವತಿ ದೇವಿ 50, ಚಾಲಕ ಧನಂಜಯ 32 ಎಂದು ಗುರುತಿಸಲಾಗಿದೆ. ನಾಲ್ವರು ಗಾಯಾಳುಗಳನ್ನು ಆಸ್ಪತ್ರೆಗೆ ಸೇರಿಸಲಾಗಿದ್ದು ಅವರು ಪ್ರಾಣಾಪಾಯದಿಂದ ಪಾರಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಚಾಲಕನಿಗೆ ಜೀಪ್‌ ಮೇಲೆ ನಿಯಂತ್ರಣ ತಪ್ಪಿ ಹೋದದ್ದೇ ಅವಘಡಕ್ಕೆ ಕಾರಣವಾಯಿತೆನ್ನಲಾಗಿದೆ.