ಸಿಂಗಾಪುರದಲ್ಲಿ 250 ಭಾರತೀಯರಿಗೆ ಕೋವಿಡ್ ಸೋಂಕು

ಸಿಂಗಾಪುರದಲ್ಲಿ 250ಕ್ಕೂ ಹೆಚ್ಚು ಭಾರತೀಯರಿಗೆ ಕೋವಿಡ್ ಸೋಂಕು ತಗುಲಿದೆ ಎಂದು  ಭಾರತೀಯ ದೂತಾವಾಸ ಕಚೇರಿ ತಿಳಿಸಿದೆ. ಅವರಲ್ಲಿ ಅರ್ಧದಷ್ಟು ಜನರನ್ನು ವಿದೇಶಿ ಉದ್ಯೋಗಿಗಳಿಗೆ ನಿರ್ಮಿಸಲಾಗಿರುವ ವಸತಿ ನಿಲಯಗಳಲ್ಲಿ ವಾಸಿಸುತ್ತಿದ್ದವರು.

ಜೊತೆಗೆ ಅಲ್ಲಿಯ ಪೌರತ್ವ ಪಡೆದುಕೊಂಡಿರುವ ಭಾರತೀಯ ಮೂಲದವರಿಗೂ ಸೋಂಕು ತಗುಲಿದ್ದು, ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ ಎಂದು ಭಾರತೀಯ ಹೈಕಮಿಷನರ್‌ ಜಾವೇದ್‌ ಆಶ್ರಫ್ ಶುಕ್ರವಾರ ತಿಳಿಸಿದ್ದಾರೆ. ಮಾ.29ರಂದು ಇಲ್ಲಿಯ ವಸತಿ ಕೇಂದ್ರಗಳ ನಿವಾಸಿಗಳನ್ನು ಪರೀಕ್ಷೆಗೆ ಒಳಪಡಿಸಿದ ವೇಳೆ ಅಲ್ಲಿಯೇ ಹೆಚ್ಚು ಸೋಂಕಿತರಿರುವುದು ತಿಳಿದುಬಂದಿತ್ತು.