ತೇಜಸ್‌ ರೈಲಿನಲ್ಲಿ ವಿಷಾಹಾರ: 24 ಮಂದಿ ಅಸ್ವಸ್ಥ; ತನಿಖೆಗೆ ಆದೇಶ

ಹೊಸದಿಲ್ಲಿ : ಕರ್ಮಲಿಯಿಂದ ಹೊರಟು ಛತ್ರಪತಿ ಶಿವಾಜಿ ಮಹಾರಾಜ್‌ ಟರ್ಮಿನಸ್‌ಗೆ ಹೋಗುತ್ತಿದ್ದ ತೇಜಸ್‌ ಎಕ್ಸ್‌ಪ್ರೆಸ್‌ ರೈಲಿನ 24 ಪ್ರಯಾಣಿಕರು ರೈಲಿನ ಪ್ಯಾಂಟ್ರಿ ಕಾರ್‌ ಆಪರೇಟರ್‌ ನಿಂದ ಪೂರೈಕೆಯಾದ ಆಹಾರ ತಿಂದು ಅಸ್ವಸ್ಥರಾದ ಘಟನೆ ವರದಿಯಾಗಿದೆ.

ವಿಷಾಹಾರ ಸೇವನೆಯಿಂದ ಅಸ್ವಸ್ಥರಾದ ಎಲ್ಲ 24 ಮಂದಿ ಪ್ರಯಾಣಿಕರನ್ನು ಕೊಂಕಣ್‌ ವಲಯದ ಚಿಪಳೂಣ್‌ ನಲ್ಲಿನ ಲೈಫ್ ಕ್ಯಾರ್‌ ಹಾಸ್ಪಿಟಲ್‌ ಗೆ ಸೇರಿಸಲಾಯಿತು. ಸೂಕ್ತ ಚಿಕಿತ್ಸೆ ಪಡೆದ ಅವರೆಲ್ಲರೂ ಚೇತರಿಸಿಕೊಂಡಿರುವುದಾಗಿ ರೈಲ್ವೇ ಮೂಲಗಳು ಹೇಳಿವೆ.

ಈ ಘಟನೆ ಸಂಬಂಧ ಐಆರ್‌ಸಿಟಿಸಿ (ಇಂಡಿಯನ್‌ ರೈಲ್ವೆ ಕೇಟರಿಂಗ್‌ ಮತ್ತು ಟೂರಿಸಂ ಕಾರ್ಪೊರೇಶನ್‌) ತನಿಖೆಗೆ ಆದೇಶಿದೆ.