ಕಿಯಾ ಸೆಲ್ಟೋಸ್‌ ಸುಧಾರಿತ ಆವೃತ್ತಿ; ಸೆಲ್ಟೋಸ್‌ 2.0ದಲ್ಲಿ ಹಲವು ಹೊಸ ಫೀಚರ್‌ಗಳು

ಕಿಯಾ ಇಂಡಿಯಾ ಕಂಪನಿ ಮಂಗಳವಾರ ತನ್ನ ಕಿಯಾ ಸೆಲ್ಟೋಸ್‌ ಕಾರಿನ 2023ರ ಸುಧಾರಿತ ಆವೃತ್ತಿಯನ್ನು ಅನಾವರಣಗೊಳಿಸಿದೆ.

ಸೆಲ್ಟೋಸ್‌ 2.0ದಲ್ಲಿ ಹೆಚ್ಚುವರಿ 15 ಸುಸ್ಥಿರ ಸುರಕ್ಷತೆ ವೈಶಿಷ್ಟ್ಯಗಳಿವೆ. ಡ್ಯುಯೆಲ್‌ ಸ್ಕ್ರೀನ್‌ ಪನೋರಮಿಕ್‌ ಡಿಸ್‌ಪ್ಲೇ, 26.04 ಸೆ.ಮೀ. ಸಂಪೂರ್ಣ ಡಿಜಿಟಲ್‌ ಕ್ಲಸ್ಟರ್‌, 26.03 ಸೆ.ಮೀ. ಎಚ್‌ಡಿ ಟಚ್‌ಸ್ಕ್ರೀನ್‌ ನೇವಿಗೇಷನ್‌ ಅನ್ನು ಇದು ಹೊಂದಿದೆ.

ನಿರೀಕ್ಷಿತ ಡ್ಯುಯೆಲ್‌ ಪೇನ್‌ ಪನೋರಮಿಕ್‌ ಸನ್‌ರೂಫ್, ವಿದ್ಯುತ್‌ಚಾಲಿತ ಪಾರ್ಕಿಂಗ್‌ ಬ್ರೇಕ್‌ ಅನ್ನು ಹೊಸ ಸೆಲ್ಟೋಸ್‌ನಲ್ಲಿ ಸೇರಿಸಲಾಗಿದೆ. ಸೆಲ್ಟೋಸ್‌ ಹಿಂದಿನ ಆವೃತ್ತಿಯ ಎಕ್ಸ್‌ಶೋರೂಂ ದರ 10.89 ಲಕ್ಷ ರೂ.ಗಳಿಂದ 19.65 ಲಕ್ಷ ರೂ.ಗಳಿದ್ದವು.

ಹೊಸ ಆವೃತ್ತಿಯ ದರ 12 ಲಕ್ಷ ರೂ.ನಿಂದ ಆರಂಭವಾಗಿ 19 ಲಕ್ಷ ರೂ.ವರೆಗೆ ಇರಬಹುದು ಎಂದು ಅಂದಾಜಿಸಲಾಗಿದೆ.