Citibank: 2 ವರ್ಷಗಳಲ್ಲಿ ಸಿಟಿ ಬ್ಯಾಂಕ್‌ನಿಂದ 20,000 ಉದ್ಯೋಗಿಗಳ ವಜಾ

ನ್ಯೂಯಾರ್ಕ್‌: ವೆಚ್ಚ ಕಡಿತದ ಭಾಗವಾಗಿ ತನ್ನ ಮುಂದಿನ 2 ವರ್ಷಗಳಲ್ಲಿ 20,000 ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಅಮೆರಿಕದ ನ್ಯೂಯಾರ್ಕ್‌ ಮೂಲದ ಸಿಟಿ ಬ್ಯಾಂಕ್‌ ಹೇಳಿದೆ. ಈ ಕುರಿತು ಮಾಹಿತಿ ನೀಡಿದ ಸಿಟಿಗ್ರೂಪ್‌ ಐಎನ್‌ಸಿ. ಸಿಇಒ ಜೇನ್‌ ಫ್ರೆಜರ್‌, “2023ರಲ್ಲಿ ಸಂಸ್ಥೆಯ ಒಟ್ಟು ವೆಚ್ಚ 56.4 ಬಿಲಿಯನ್‌ ಡಾಲರ್‌ ಆಗಿದೆ. ಈ ವರ್ಷ ವೆಚ್ಚವನ್ನು 53.5 ಬಿಲಿಯನ್‌ ಡಾಲರ್‌ನಿಂದ 53.8 ಬಿಲಿಯನ್‌ ಡಾಲರ್‌ವರೆಗೆ ಇಳಿಸಲಾಗುತ್ತದೆ.

ವೆಚ್ಚ ಕಡಿತಕ್ಕೆ ಅನೇಕ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಇದರ ಭಾಗವಾಗಿ ಮಾನವ ಸಂಪನ್ಮೂಲವನ್ನು ತಗ್ಗಿಸುತ್ತಿದ್ದು, 20,000 ಉದ್ಯೋಗಿಗಳಿಗೆ ಪಿಂಕ್‌ ಸ್ಲಿಪ್‌ ನೀಡಲಾಗುತ್ತದೆ’ ಎಂದರು.