ಉತ್ತರ ಪಾಕಿಸ್ತಾನದ ಗಿಲ್ಗಿಟ್ ನಲ್ಲಿ ರಸ್ತೆ ಅಪಘಾತ: 20 ಸಾವು

ಇಸ್ಲಾಮಾಬಾದ್‌: ಉತ್ತರ ಪಾಕಿಸ್ತಾನದಲ್ಲಿ ಸಂಭವಿಸಿದ ರಸ್ತೆ ಅಪಘಾತದಲ್ಲಿ 20 ಮಂದಿ ಅಸುನೀಗಿ, ಆರು ಮಂದಿ ಗಾಯಗೊಂಡಿದ್ದಾರೆ.

ರಾವಲ್ಪಿಂಡಿಯಿಂದ ಸ್ಕರ್ದುವಿಗೆ ಹೊರಟಿದ್ದ ಬಸ್ಸು ಗಿಲ್ಗಿಟ್ ಸಮೀಪದ ಪರ್ವತ ಪ್ರದೇಶದಲ್ಲಿ ಉರುಳಿ, ಅಲ್ಲಿಯೇ ಇದ್ದ ಆಳ ಕಮರಿಗೆ ಬಿದ್ದು ಈ ದುರಂತ ಸಂಭವಿಸಿದೆ. ಅಪಘಾತಕ್ಕೆ ಕಾರಣ ಗೊತ್ತಾಗಿಲ್ಲ. ಪೊಲೀಸರು ಮತ್ತು ಸ್ಥಳೀಯರು ರಕ್ಷಣಾ ಕಾರ್ಯ ನಡೆಸಿದರು.