ಅಮೆರಿಕ ಅಧ್ಯಕ್ಷರ ಭದ್ರತೆಯಲ್ಲೇ ಬೇಹುಗಾರಿಕೆ ನಡೆಸಿ ಸಿಕ್ಕಿಬಿದ್ದ ಪಾಕ್ ಗೂಢಾಚಾರರು

ವಾಷಿಂಗ್ಟನ್: ಅಧ್ಯಕ್ಷರ ಭದ್ರತೆಯ ಉಸ್ತುವಾರಿ ವಹಿಸಿರುವ ಉನ್ನತ ರಹಸ್ಯ ಸೇವೆ ಸೇರಿದಂತೆ ಅಮೆರಿಕದ ಗುಪ್ತಚರ ಮತ್ತು ಭದ್ರತಾ ವ್ಯವಸ್ಥೆಗೆ ಒಳನುಗ್ಗಲು ಪ್ರಯತ್ನಿದ ಪಾಕಿಸ್ತಾನದ ಬೇಹುಗಾರಿಕಾ ಸಂಸ್ಥೆ ಐಎಸ್‌ಐನ ಸೆಲ್ ಅನ್ನು ಯುನೈಟೆಡ್ ಸ್ಟೇಟ್ಸ್ ಗುರುವಾರ ಭೇದಿಸಿದೆ.

ಆರಿಯನ್ ತಾಹೆರ್ಜಾಡೆಹ್ (40) ಮತ್ತು ಹೈದರ್ ಅಲಿ (35) ಬಂಧಿತ ಪಾಕ್ ಗೂಢಾಚರರು. ಇವರು ಅಮೆರಿಕ ಅಧಿಕಾರಿಗಳ ಸೋಗಿನಲ್ಲಿರುವಾಗ ಆಗ್ನೇಯ ವಾಷಿಂಗ್ಟನ್‌ನಲ್ಲಿ ಎಫ್‌ಬಿಐ ಕ್ರಿಮಿನಲ್ ದೂರಿನ ಮೇಲೆ ಬಂಧಿಸಿದೆ. ರಹಸ್ಯ ಸೇವೆಯ ನಾಲ್ವರು ಸದಸ್ಯರನ್ನು ಆಡಳಿತಾತ್ಮಕ ರಜೆ ಮೇಲೆ ಕಳುಹಿಸಲಾಗಿದೆ.

ಇವರನ್ನು ಗುರುವಾರ ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಗಿದೆ. ಬಂಧಿತ ಹೈದರ್ ಅಲಿ ಪಾಕಿಸ್ತಾನದ ಇಂಟರ್-ಸರ್ವೀಸಸ್ ಇಂಟೆಲಿಜೆನ್ಸ್ ಏಜೆನ್ಸಿಯೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂದು ಏಫ್ ಬಿಐ ಅಧಿಕಾರಿಗಳು ಕೋರ್ಟ್ ಗೆ ತಿಳಿಸಿದ್ದಾರೆ.

ಅಲ್ಲದೆ ಹೈದರ್ ಅಲಿ ಅಲಿ ಪಾಕಿಸ್ತಾನ ಮತ್ತು ಇರಾನ್‌ ನ ಬಹು ವೀಸಾಗಳನ್ನು ಹೊಂದಿದ್ದರು ಎಂದು ಫೆಡರಲ್ ಕಾನೂನು ಜಾರಿ ಅಧಿಕಾರಿಗಳು ತಿಳಿಸಿದ್ದಾರೆ.

“ನಾವು ನಿಖರತೆಯನ್ನು ಪರಿಶೀಲಿಸಿಲ್ಲ. ಆದರೆ ಅಲಿ ಪಾಕಿಸ್ತಾನಿ ಗುಪ್ತಚರ ಸೇವೆಯಾದ ಐಎಸ್ಐ ಯೊಂದಿಗೆ ಸಂಬಂಧವನ್ನು ಹೊಂದಿದ್ದಾರೆ ಎಂದು ಸಾಕ್ಷಿಗಳಿಗೆ ಹೇಳಿಕೆ ನೀಡಿದ್ದಾರೆ” ಎಂದು ನ್ಯಾಯಾಧೀಶರಿಗೆ ತಿಳಿಸಿದರು.

ಇದನ್ನೂ ಓದಿ:ರಷ್ಯಾಕ್ಕೆ ಗೇಟ್‌ಪಾಸ್‌ ಶಿಕ್ಷೆ 

ತಾಹೆರ್ಜಾದೆಹ್ ಮತ್ತು ಅಲಿ ಅವರು ಫೆಡರಲ್ ಕಾನೂನು ಜಾರಿ ಮತ್ತು ರಕ್ಷಣಾ ಸಮುದಾಯದ ಸದಸ್ಯರೊಂದಿಗೆ ಬೆರೆಯಲು ಹೋಮ್ಲ್ಯಾಂಡ್ ಸೆಕ್ಯುರಿಟಿ ಇಲಾಖೆಯೊಂದಿಗೆ ತಮ್ಮ ನಕಲಿ ಸಂಬಂಧವನ್ನು ಬಳಸಲು ಪ್ರಯತ್ನಿಸಿದ್ದಾರೆ.

ತಾಹೆರ್ಜಾದೆ ಅವರು ಯುನೈಟೆಡ್ ಸ್ಟೇಟ್ಸ್ ಸೀಕ್ರೆಟ್ ಸರ್ವಿಸ್  ನ ಸದಸ್ಯರನ್ನು ಮತ್ತು ಡಿಎಚ್ಎಸ್ ನ ಉದ್ಯೋಗಿಯನ್ನು ಇತರ ವಿಷಯಗಳ ಜೊತೆಗೆ, ಬಾಡಿಗೆ-ಮುಕ್ತ ಅಪಾರ್ಟ್‌ಮೆಂಟ್‌ಗಳನ್ನು (40,000 ಯುಎಸ್ ಡಾಲರ್ ಕ್ಕಿಂತ ಹೆಚ್ಚು ವಾರ್ಷಿಕ ಬಾಡಿಗೆಯೊಂದಿಗೆ), ಐಫೋನ್ ಗಳು, ಡ್ರೋನ್, ಫ್ಲಾಟ್-ಸ್ಕ್ರೀನ್ ಟೆಲಿವಿಷನ್, ಆಕ್ರಮಣಕಾರಿ ರೈಫಲ್, ಜನರೇಟರ್ ಕಣ್ಗಾವಲು ವ್ಯವಸ್ಥೆಗಳನ್ನು ಒದಗಿಸಿದ್ದಾರೆ.

ತಾಹೆರ್ಜಾದೆ ಮತ್ತು ಅಲಿ ವಾಷಿಂಗ್ಟನ್ ಡಿಸಿಯಲ್ಲಿ ವಾಸಿಸುತ್ತಿದ್ದ ಅಪಾರ್ಟ್‌ಮೆಂಟ್ ಸಂಕೀರ್ಣದ ವಿವಿಧ ಭಾಗಗಳಲ್ಲಿ ವೀಡಿಯೊ ಕಣ್ಗಾವಲು ನಿರ್ಮಿಸಿದ್ದರು ಎಂದು ವರದಿ ತಿಳಿಸಿದೆ.