ಕೀನ್ಯಾ: ಕೆಲ ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಇಬ್ಬರು ಭಾರತೀಯರ ಹತ್ಯೆ

ನೈರೋಬಿ: ಕೀನ್ಯಾದಲ್ಲಿ ಕೆಲ ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಭಾರತ ಮೂಲದ ಇಬ್ಬರು ವ್ಯಕ್ತಿಗಳ ಕೊಲೆಯಾಗಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಅವರಿಬ್ಬರು ಕೀನ್ಯಾ ಅಧ್ಯಕ್ಷ ವಿಲಿಯಂ ರುಟೋ ಅವರನ್ನು ಬೆಂಬಲಿಸಿದ ಕಾರಣಕ್ಕೇ ಕೊಲೆ ಮಾಡಲಾಗಿದೆ ಎಂದು ಹೇಳಲಾಗಿದೆ. ಜುಲ್ಫಿಖರ್‌ ಅಹಮದ್‌ ಖಾನ್‌ ಮತ್ತು ಮೊಹಮದ್‌ ಜೈದ್‌ ಸಮಿ ಕಿದ್ವಾಯ್‌ ಮೃತ ದುರ್ದೈವಿಗಳು.

ಅಧ್ಯಕ್ಷರಾದ ವಿಲಿಯಂ ಅವರು ಇತ್ತೀಚೆಗೆ ಕಾನೂನುಬಾಹಿರ ಹತ್ಯೆಗಳ ಆರೋಪಿಗಳ ಗುಂಪಾದ ವಿಶೇಷ ಸೇವಾ ಘಟಕವನ್ನು ವಿಸರ್ಜನೆ ಮಾಡಿದ್ದರು. ಆ ನಿರ್ಧಾರವನ್ನು ಘಟಕವು ವಿರೋಧಿಸಿದ್ದು, ಅದೇ ಕಾರಣಕ್ಕೆ ಈ ಎರಡು ಕೊಲೆ ಮಾಡಿದ್ದಾರೆ ಎಂದು ಹೇಳಲಾಗಿದೆ.

ವಿಲಿಯಂ ಅವರ ಆಪ್ತರೇ ಈ ಮಾಹಿತಿಯನ್ನು ಮಾಧ್ಯಮಗಳಿಗೆ ಕೊಟ್ಟಿದ್ದಾರೆ.