1.5 ಕಿ.ಮೀ. ಗಾಯಾಳು ಹೊತ್ತೂಯ್ದ ಪೇದೆ

ಹೋಶನ್‌ಬಾಗ್‌ (ಮಧ್ಯಪ್ರದೇಶ): ಚಲಿಸುತ್ತಿದ್ದ ರೈಲಿನಿಂದ ನಿರ್ಜನ ಪ್ರದೇಶದಲ್ಲಿ ಬಿದ್ದಿದ್ದ ವ್ಯಕ್ತಿಯೊಬ್ಬನ ಪ್ರಾಣ ರಕ್ಷಿಸಲು ಪೊಲೀಸ್‌ ಪೇದೆಯೊಬ್ಬರು ಆತನನ್ನು ಹೆಗಲ ಮೇಲೆ ಹೊತ್ತು ಒಂದೂವರೆ ಕಿ.ಮೀ. ದೂರ ಚಲಿಸಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. 

ಸಿಯೋನಿ ಮಾಳ್ವಾ ಪ್ರಾಂತ್ಯದ ರಾವಣ್‌ ಪಿಪಾಲ್ಗಾಂವ್‌ ಎಂಬಲ್ಲಿ ನಡೆದ ಈ ಅಪಘಾತದಲ್ಲಿ ಅಜಿತ್‌ (20) ಎಂಬಾತ ಅಕಸ್ಮಾತ್ತಾಗಿ ಬಿದ್ದು  ಗಂಭೀರ ಗಾಯಗೊಂಡಿದ್ದ.  ಯುವಕ ಬಿದ್ದಿದ್ದ ಸ್ಥಳದ ಸುತ್ತ ಮುಳ್ಳಿನ ಗಿಡಗಳಿದ್ದರಿಂದ ಪೊಲೀಸ್‌ ಜೀಪು ಹೋಗಲಾಗಲಿಲ್ಲ. ಹಾಗಾಗಿ, ಯುವಕನನ್ನು ಹೊತ್ತು ಒಂದೂವರೆ ಕಿ.ಮೀ. ನಡೆದು ಜೀಪಿನಲ್ಲಿ ಹಾಕಿದ ಪೇದೆ ಆನಂತರ ಆತನನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ.