15 ಮಂದಿ ಭಾರತೀಯ ಮೀನುಗಾರರ ಬಂಧನ

ಕೊಲಂಬೋ: ಶ್ರೀಲಂಕಾದ ಸಾಗರವ್ಯಾಪ್ತಿಯನ್ನು ಉಲ್ಲಂಘಿಸಿ ಮೀನುಗಾರಿಕೆ ನಡೆಸಿರುವ ಆರೋಪದ ಮೇರೆಗೆ 15 ಮಂದಿ ಭಾರತೀಯ ಮೀನುಗಾರರನ್ನು ಲಂಕಾದ ನೌಕಾಪಡೆ ಬಂಧಿಸಲಾಗಿದೆ.

ಲಂಕಾದ ಸಾಗರ ಗಡಿ ಪ್ರದೇಶಗಳಲ್ಲಿ ನಡೆಯುತ್ತಿರುವ ಅಕ್ರಮ ಮೀನುಗಾರಿಕೆಯನ್ನು ಹತ್ತಿಕ್ಕುವ ಸಲುವಾಗಿ ಲಂಕಾದ ನೌಕಾಪಡೆ ಹಾಗೂ ಸಾಗರ ಭದ್ರತಾಪಡೆಗಳು ಜು.8ರಂದು ಕಾರ್ಯಾಚರಣೆ ನಡೆಸಲಾಗಿತ್ತು ಎಂದು ಅಧಿಕಾರಿಗಳು ಹೇಳಿದ್ದಾರೆ. ಈ ವೇಳೆ ಜಾಫಾ ದ್ವೀಪ ಪ್ರದೇಶದಲ್ಲಿ ಸಾಗರ ಗಡಿ ನಿಯಮ ಉಲ್ಲಂಘಿಸಿ ಮೀನುಗಾರಿಕೆ ನಡೆಸುತ್ತಿದ್ದ ಭಾರತೀಯರನ್ನು ಬಂಧಿಸಿದ್ದೇವೆ, ಅವರನ್ನು ತನಿಖೆಗೂ ಒಳಪಡಿಸಲಾಗಿದೆ.