ಮಹಾರಾಷ್ಟ್ರ; ಇಂದು 134 ಪ್ರಕರಣ ಪತ್ತೆ, ಒಟ್ಟು ಕೋವಿಡ್ ಸೋಂಕಿತರ ಸಂಖ್ಯೆ 1,895ಕ್ಕೆ ಏರಿಕೆ

ಮುಂಬೈ: ಮಹಾರಾಷ್ಟ್ರದಲ್ಲಿ ಕೋವಿಡ್ 19 ಸೋಂಕು ಕ್ಷಿಪ್ರವಾಗಿ ಹರಡುತ್ತಿದ್ದು, ಭಾನುವಾರ 134 ಮಂದಿಗೆ ಕೋವಿಡ್ 19 ವೈರಸ್ ಇದ್ದಿರುವುದು ಪತ್ತೆಯಾಗಿದೆ. ಇದರೊಂದಿಗೆ ರಾಜ್ಯದಲ್ಲಿ ಕೋವಿಡ್ ಪೀಡಿತರ ಸಂಖ್ಯೆ 1,895ಕ್ಕೆ ಏರಿಕೆಯಾಗಿದೆ ಎಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

ಹೊಸ ಪ್ರಕರಣಗಳಲ್ಲಿ 113 ಮುಂಬೈ ನಗರದಿಂದ ವರದಿಯಾಗಿದ್ದು, ಏಳು ಪ್ರಕರಣ ಥಾಣೆ ಜಿಲ್ಲೆಯಿಂದ ವರದಿಯಾಗಿದೆ ಎಂದು ಅಧಿಕಾರಿಗಳು ವಿವರಿಸಿದ್ದಾರೆ.

ಇದರಲ್ಲಿ ಪುಣೆ ನಗರದಿಂದ ನಾಲ್ಕು ಪ್ರಕರಣ, ನವ ಮುಂಬೈಯಲ್ಲಿ ಎರಡು, ಥಾಣೆಯಲ್ಲಿ ಎರಡು, ವಸೈ-ವಿರಾರ್ ನಲ್ಲಿ ಎರಡು, ರಾಯ್ ಗಢ್ ನಲ್ಲಿ ಒಂದು, ಅಮರಾವತಿ, ಭಿವಂಡಿಯಲ್ಲಿ ತಲಾ ಒಂದು, ಪಿಂಪ್ರಿ ಚಿಂಚವಾಡ್ ನಲ್ಲಿ ಒಂದು ಪ್ರಕರಣ ಪತ್ತೆಯಾಗಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.