Sirsi ಜೈನ ಮಠದಲ್ಲಿ ಅಮ್ಮನಿಗೆ 108 ಬಗೆ ನೈವೇದ್ಯ!

ಶಿರಸಿ: ಶ್ರಾವಣ ಮಾಸದ ಹಿನ್ನೆಲೆಯಲ್ಲಿ ಸ್ವಾದಿ‌ ಜೈನ ಮಠದಲ್ಲಿ ಮಠದ ಪಟ್ಟದ ಮಹಾಮಾತೆಯಾದ ಕೂಷ್ಮಾಂಡಿನಿ‌ ದೇವಿಗೆ 108 ಬಗೆಯ ವಿಶೇಷ ನೈವೇದ್ಯ‌ ಸಲ್ಲಿಸಿ ಪೂಜಿಸುವ ಕಾರ್ಯ ನಡೆಯಿತು.

ಸ್ವಾದಿ ದಿಗಂಬರ ಜೈನ ಮಠಾಧೀಶ ಶ್ರೀ ಭಟ್ಟಾಕಲಂಕ ಭಟ್ಟಾರಕ ಪಟ್ಟಾಚಾರ್ಯ ವರ್ಯ ಸ್ವಾಮೀಜಿ ಅವರ ಸಾನ್ನಿಧ್ಯದಲ್ಲಿ ಅಮ್ಮನವರಿಗೆ ವಿಶೇಷ ಅಭಿಷೇಕ ಪೂಜಾ ಆರಾಧಾನೆ, ಅಷ್ಟಾವಧಾನ, ಷೋಡ ಶೋಪಚಾರ ಕುಂಕುಮಾರ್ಚನೆ ಸಹಿತ ಪೂಜೆ ನಡೆದವು. ಇದೂ ಅಲ್ಲದೇ, ಅಮ್ಮನವರಿಗೆ ಹೋಳಿಗೆ, ಲಾಡು, ಕರ್ಜಿಕಾಯಿ, ಚಕ್ಕುಲಿ, ಬರ್ಫಿ, ಜಾಮೂನು, ಪಾಯಸ ಇನ್ನೂ ಮುಂತಾದ ವಿಶೇಷ 108 ನೈವೇದ್ಯ ಸಮರ್ಪಣಾ ಪೂಜೆಗಳು ನಡೆದವು.

ಈ ವೇಳೆ ಸೇವಾಕರ್ತರಾದ ಬಿ.ಟಿ.ಕಸ್ತೂರಿ, ಸಾವಿತ್ರಿ ಗೋಕಾಕ ಹಾಗೂ ಸೋಂದಾ ಧರ್ಮದೇವಿ‌ ಮಹಿಳಾ ಸಮಾಜದ ಪ್ರಮುಖರಿದ್ದರು.