10 ವರ್ಷದ ಪುತ್ರಿಯೇ ಕಿಮ್‌ ಜಾಂಗ್‌ ಉತ್ತರಾಧಿಕಾರಿ?

ಸಿಯೋಲ್‌: ಭವಿಷ್ಯದಲ್ಲಿ ಉತ್ತರ ಕೊರಿಯಾ ಅಧ್ಯಕ್ಷ ಕಿಮ್‌ ಜಾಂಗ್‌ ಉನ್‌ ಅವರ ಉತ್ತರಾಧಿಕಾರಿಯಾಗಿ ಅವರ ಕಿರಿಯ ಮಗಳು ಜು ಏ ನೇಮಕವಾಗುವ ಸಾಧ್ಯತೆ ಇದೆ ಎಂದು ದಕ್ಷಿಣ ಕೊರಿಯಾ ಗುಪ್ತಚರ ಸಂಸ್ಥೆ ತಿಳಿಸಿದೆ.

ಕಿಮ್‌ ಜಾಂಗ್‌ ಉನ್‌ ಅವರ ಉತ್ತರಾಧಿಕಾರಿ ಕುರಿತು ಗುಪ್ತಚರ ಸಂಸ್ಥೆಯೊಂದು ಬಹಿರಂಗ ಹೇಳಿಕೆ ನೀಡಿರುವುದು ಇದೇ ಮೊದಲು. 2022ರ ನವೆಂಬರ್‌ನಲ್ಲಿ ಮೊದಲ ಬಾರಿಗೆ ಪ್ರಪಂಚಕ್ಕೆ ಜು ಏ ಅವರನ್ನು ಪರಿಚಯಿಸಲಾಯಿತು. ಆಕೆ ತನ್ನ ತಂದೆಯೊಂದಿಗೆ ಕುಳಿತು ಕ್ಷಿಪಣಿ ಪರೀಕ್ಷೆಯನ್ನು ವೀಕ್ಷಿಸಿದ್ದಳು. ನಂತರ ಅನೇಕ ಬಾರಿ ಸಾರ್ವಜನಿಕ ಸಮಾರಂಭದಲ್ಲಿ, ವಾಯುಪಡೆ ಕಚೇರಿ ಭೇಟಿಯಲ್ಲಿ ಕಿಮ್‌ರೊಂದಿಗೆ ಕಾಣಿಸಿಕೊಂಡಳು. ಮಗಳಿಗೆ ತಂದೆಯೇ ರಾಜಕೀಯ ತರಬೇತಿ ನೀಡುತ್ತಿದ್ದಾರೆ ಎಂಬ ಮಾತುಗಳು ಕೇಳಿಬಂದಿತ್ತು.