ಹಾಸನದಲ್ಲಿ 10 ಸೆಂ.ಮೀ. ಮಳೆ

ಬೆಂಗಳೂರು: ಮಂಗಳವಾರ ಮುಂಜಾನೆ 8.30ಕ್ಕೆ ಅಂತ್ಯಗೊಂಡ 24ತಾಸುಗಳ ಅವಧಿಯಲ್ಲಿ ರಾಜ್ಯದ ದಕ್ಷಿಣ ಒಳನಾಡು ಮತ್ತು ಕರಾವಳಿಯ ಹಲವೆಡೆ ಹಾಗೂ ಉತ್ತರ ಒಳನಾಡಿನ ಕೆಲವೆಡೆ ಸಾಧಾರಣ ಮಳೆಯಾಯಿತು. ಹಾಸನದಲ್ಲಿ ರಾಜ್ಯದಲ್ಲಿಯೇ ಅಧಿಕವೆನಿಸಿದ 10 ಸೆಂ.ಮೀ.ಮಳೆ ಸುರಿಯಿತು.

ಇದೇ ವೇಳೆ, ಸುಳ್ಯ, ಮಂಕಿ, ಹುಮ್ನಾಬಾದ್‌, ಕೊಪ್ಪ, ಹಳ್ಳಿ ಮೈಸೂರು, ಭಟ್ಕಳ, ಪಾವಗಡ, ನೆಲಮಂಗಲ, ಸಿದ್ದಾಪುರ, ಕಿರವತ್ತಿ, ಬೆಂಗಳೂರು ನಗರ, ಶಿಕಾರಿಪುರ, ಕುಮಟಾ, ಪುತ್ತೂರು, ಶಿರಹಟ್ಟಿ, ಕೊಳ್ಳೇಗಾಲ, ಕೋಲಾರ, ಹೆಸರಘಟ್ಟ, ಹೊನ್ನಾಳಿ, ಆನ ವಟ್ಟಿ, ಬಾಗೇಪಲ್ಲಿ, ವಿರಾಜಪೇಟೆ ಸೇರಿದಂತೆ ರಾಜ್ಯದ ಇತರೆಡೆಯೂ ಮಳೆಯಾದ ವರದಿಯಾಗಿದೆ.

ಗುರುವಾರ ಮುಂಜಾನೆವರೆಗಿನ ಹವಾಮಾನ ಮುನ್ಸೂಚನೆಯಂತೆ ರಾಜ್ಯದ ಕರಾವಳಿಯ ಬಹುತೇಕ ಎಲ್ಲೆಡೆ, ದಕ್ಷಿಣ ಒಳನಾಡಿನ ಹಲವೆಡೆ ಹಾಗೂ ಉತ್ತರ ಒಳನಾಡಿನ ಕೆಲವೆಡೆ ಮಳೆಯಾಗಲಿದೆ ಎಂದು ಹವಾಮಾನ ಕಚೇರಿಯ ಪ್ರಕಟಣೆ ತಿಳಿಸಿದೆ.