1.5 ಕೆಜಿ ಗಾಂಜಾ ಜಪ್ತಿ-ಬಂಧನ

ಕಾಳಗಿ: ಪಟ್ಟಣದ ಬಸ್‌ ನಿಲ್ದಾಣ ಹಿಂಭಾಗದ ಕೊಡದೂರ-ರಾಜಾಪುರ ರಸ್ತೆ ಪಕ್ಕದಲ್ಲಿ ಗಾಂಜಾ ಮಾರಾಟ ಮಾಡುತ್ತಿರುವ ವ್ಯಕ್ತಿಯನ್ನು ಕಾಳಗಿ ಪೊಲೀಸರು ಬಂಧಿಸಿದ್ದಾರೆ.

ಅಕ್ರಮ ಗಾಂಜಾ ಮಾರಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಮೆರೆಗೆ ಡಿವೈಎಸ್‌ಪಿ ಉಮೇಶ ಚಿಕ್ಕಮಠ ಮಾರ್ಗದರ್ಶನದಲ್ಲಿ ದಾಳಿ ಮಾಡಿದ ಪೊಲೀಸರು, ಅಕ್ರಮ ಗಾಂಜಾ ಮಾರಾಟ ಮಾಡುತ್ತಿರುವ ಕಾಳಗಿಯ ಸಾಹೇಬ ಮಹಿಬೂಬ್‌ ಪಟೇಲ ಬಾರಾಮನಿ (42) ಎಂಬಾತನನ್ನು ಬಂಧಿಸಿ 10,500ರೂ. ಮೌಲ್ಯದ 1.5 ಕೆಜಿ ಗಾಂಜಾ ವಶಪಡಿಸಿಕೊಂಡು, ವಿಚಾರಣೆ ಮಾಡಿದಾಗ ತಾಂಡೂರ, ಬೀದರನಿಂದ ಗಾಂಜಾ ತಂದು ಮಾರಾಟ ಮಾಡುತ್ತಿರುವುದು ತಿಳಿದು ಬಂದಿದೆ.

ಸರ್ಕಲ್‌ ಇನ್‌ಸ್ಪೆಕ್ಟರ್‌ ವಿನಾಯಕ ನಾಯಕ, ಪಿಎಸ್‌ಐ ಹುಲೆಪ್ಪ ಗೌಡಗೊಂಡ, ಎಎಸ್‌ಐ ಮಲ್ಲಿಕಾರ್ಜುನ ಅಶ್ವಥ, ಸಿಬ್ಬಂದಿ ಹುಸೇನ್‌, ಶಶಿಕಾಂತ, ಅಂಬರೀಶ, ಸಂಗಣ್ಣ, ರಾಜು, ಬಸಪ್ಪ, ರಾಣೋಜಿ ಇದ್ದರು. ಕಾಳಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.